【 HelloToby 服務價格指南 】手機 App開發 要幾多錢?

踏入智能化時代,每個人手機都有數十個手機App,更透過手機進行無數消費同交易。唔少人睇準手機App創造商機,相關初創企業亦如雨後春荀般出現。經營不同行業生意,手機App都成為必要產品,究竟搵人寫App成本係幾多呢? App開發 又有乜要注意?

1) App開發 基本價錢

手機應用程式(App)開發費用好大程度基於軟體功能、製作複雜性及平台類型。市面上整App成本有平有貴,一個簡單手機App最低消費約$20,000 ,而複雜的手機App最高花費可近港幣7位數字。價格其實都係按開發週期及開發人手決定。

如果你只需要個App提供標準功能(如導航、改變屏幕及動畫)、毋須任何互動,一般可交由2 – 4個自僱程式開發員負責,咁開發成本預算為$50,000以內。

如果你需要更個人化嘅手機App(如建立會員系統、網站連結等),一般涉及後端服務(包括數據存儲、數據加密、賬戶管理、消息發送、社交網絡整合等)及API服務(容許第三方開發),就要由公司團隊才能應付整個程式開發,當中要UX程式員、項目經理、iOS/Android應用開發人員、伺服器開發人員及平面設計師通力合作。此類手機App開發成本最低消費預$150,000以上。

如手機App需要開發內容管理系統(CMS)幫助處理資料,成本起碼會高一半。價格亦會按逐個軟體功能而上漲,如GPS導航功能、圖片庫、QR Code掃描器、電話直撥及電子報等。電子商貿與內置付費因為需要更精密計算,成本都會較高。其次,手機App屏幕數量、裝置數量、操作系統版本(OS)數量及平台數量愈多,價格都會愈貴。

 

2) App開發 工序

一般開發團隊會先對客戶需求、項目可行性同工作量展開評估,制定開發計劃同提供詳細報價。

喺雙方簽署項目合約後,開發人員按照計劃進行設計同研發,先製作一個簡單樣辦向客戶展示主要功能,由客戶對項目效果進行最後測試及評估。

驗收後開發團隊會移交相關文檔及代碼,提供必要嘅技術轉移。一般開發公司會設定一個保養期,保養期內可免費提供維護服務。

 

3) App開發 額外費用

手機App開發本身有好多附加收費項目,開發期間收費係屬於前期製作費用,而手機App上架及後期運作過程中都可能產生其他費用。

首先,手機App發布在Google Play一次性收費為US$25,Apple App Store年費為US$100。

手機App上架後,如果客戶於手機App開發過程更改方案,需要更多技術人員配合或延長開發時間,會額外收費。另外,租用或購買伺服器、網站流量費用、二次開發、數據庫更新、緊急維護等亦係支出之一。

 

更多資訊:HelloToby嚴選香港最佳App開發員

想立即免費獲取及比較不同App開發員的報價?即上HelloToby!

馬上搵App開發專家

你是App開發專家?即上HelloToby免費登記搵更多生意啦!

免費註冊為專家

——

延伸閱讀:【搵外快必讀】你適合 做Freelancer 嗎?8大問題自我測試

延伸閱讀:助你升職加薪轉好工的6大 進修課程

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *