【 HelloToby 服務價格指南】搵Freelancer做內容寫作，條數點計？

隨住互聯網盛行，近年好多公司都積極於網上進行營銷工作，於是Content Writer 內容寫作呢類Freelance服務便應運而生。想為公司聘請Freelance Writer，提升網站流量？立即等 HelloToby 講解Content Writer嘅收費同職責，等你了解當中嘅成本！

1）內容寫作具體收費

Freelance Content Writer一般都係按字數計算收費，經驗尚淺嘅寫手收費大約係每字$0.3，稍有經驗嘅收費為$0.5 – $1左右。如果你想搵KOL或者有名氣嘅作者為你撰稿，咁收費就自然更高，最高可達毎字$10。

除咗寫手本身嘅資歷外，你亦應考慮到工作嘅內容同性質，譬如你希望對方以地道流暢嘅英語為你撰寫文章，成本就為2倍左右，約每字$2 – $2.5。如果文章內容涉及專業知識，需要花時間做埋資料搜集、訪問嘅話，收費就自然更高。

2）內容寫作工作內容

Content Writer嘅主要工作係為網站或公司撰寫文章，目的係為咗吸引新客戶來瀏覽閱讀，改善網站流量，並提高品牌知名度，所以寫作題材同類型都很廣泛。你可請寫手為網站撰寫公司簡介、產品服務等網站內容、Blog文章、新聞稿同e-newsletter等。假如你嘅公司有利用Facebook、Instagram等社交媒體帳號作宣傳，你亦可請寫手撰寫Post。