【 Slash 不是廢青】香港10大傑出青年 Slash 版

無論係大學畢業生定職場打滾幾年嘅人都希望搵番個「鐵飯碗」,想人工高福利好。不過,時移世易,經濟轉型,如今職場已經冇乜鐵飯碗喇!唔想俾老細點你做嘢點到2046?咁就要諗下計仔另謀出路!有說年輕一輩接Freelance仲賺得多錢過做全職,紛紛冒起做 Slash 、自己做自己老闆。事實上,城中又真係冒起一群知名Slash,個個都周身刀、張張利,喺好多方面都好傑出!HelloToby就選出以下10位表表者,等大家可以向佢哋學嘢!

Slash 係乜?

Slash 代表著「/」符號(斜號),所以又被稱為「斜槓族」、「斜號族」,指呢類人士身兼多職。佢哋往往會用Slash表示自己從事唔同Freelance工作,例如CV上會填寫「工作1/工作2/工作3⋯⋯」嚟介紹自己。最先Slash族於美國年輕一輩冒起,佢哋擺脫死板全職工作,以多重職業同身分作定位

外間對Freelance(自由工作)有唔同評價,有人認為Freelancer比較漫無目的或態度好Hea,更冠以負面名稱「炒散」或「廢青」。但現實中,Slash族反而係屬於見多識廣、進取、具膽識、有多個人生目標、講求多元發展以及自我實現嘅一群。做Slash冇絕對門檻,唔一定要讀書叻或者靠父幹,但一定要具備有價值嘅專長,涉獵唔同專業範疇工作,可以令自己唔容易被取代。正所謂「條條大路通羅馬」,根據香港青年協會青年創研庫調查所得,本港逾半受訪年青人曾於2015年彈性就業,表示Freelance可以賺取更多錢同更方便自己控制時間。

(你已經係Slash?想搵Freelance?即上我哋平台登記成為專家,可幫你在你專業範疇搵到更多客戶。)

立即登記 或 了解更多

>>> 【 HelloToby 專家全攻略】如何註冊成為專家 + 如何報價 <<<

(相關閱讀:2017香港10大 Freelance 工作,可以搵幾多錢

 

香港10大傑出青年 Slash

喺香港,勇於追求夢想嘅Freelancer其實大有人在。以下我哋選出10位多才多藝嘅Slash族出為大家介紹,佢哋雖然來自好多不同界別,但個個年輕有為,表現傑出,好值得想投入做Slash嘅年輕人學習!

1)林二汶(Eman Lam)

圖片來源:林二汶Facebook

「要做自己的老闆!」「我就是Slash!」係林二汶於新書對自己身分嘅看法。成為獨立歌手可以話係佢追求自由、自主人生第一步,但佢認為雖然音樂係佢才華本位,但仍然想開展唔同領域專長分,如廣告旁白專欄作家。佢深信Slash唔係區別專才與通才,而係你有冇去管理同成就自己嘅人生。

(林二汶Facebook:https://www.facebook.com/lamtwo

 

2)倪晨曦(Elva Ni)

圖片來源:倪晨曦Instagram

靚女倪晨曦係多倫多拎咗華裔小姐冠軍後,轉戰香港做模特兒。靚女當然多曝光率,有拍戲、拍廣告、做司儀同節目主持。不過,倪晨曦唔係得個樣㗎!佢仲有教瑜伽、開網店做老闆娘、開Youtube同出書教人扮靚靚。果然係內外兼備嘅Slash!

(倪晨曦Facebook:https://www.facebook.com/misselvanini

 

3)卓韻芝(Vincci Cheuk )

圖片來源:卓韻芝Facebook

卓韻芝13歲就開始任職DJ,因節目芝see菇bi而為人熟悉。一直以來,從事不同影視相關工作,如導演、主持人、編劇、演員、聲演、填詞、廣告代言、藝術企劃。除此之外,佢有創作漫畫、開騷大搞棟篤笑,近年仲拉埋婆婆一齊做Slash搵真銀,推出書籍《今日阿婆金句》同做旅遊節目。

(卓韻芝Facebook:https://www.facebook.com/cheukwanchi

 

4)陳珍妮(Jenny Chan)

陳珍妮人稱「Slash Queen」,好多人記得佢當年從事TVB新聞女主播以及後來著作《TVB新聞部血淚史》批評大台刻薄新人。脫離全職工作後,Jenny工作更奔波忙碌。見多識廣、口才了得令佢頻頻接Job,有做雙語司儀、節目主持、巿場推廣、撰稿員翻譯、語言訓練、影子寫手、法文老師英文老師,以及股票時事評論員。Jenny仲有幾個鮮為人知嘅興趣,就係舞蹈表演同術數啦!

(陳珍妮Facebook:https://www.facebook.com/jenny.chan.1238

想知更多陳珍妮的Slash心得,即睇:

【Slash Queen 陳珍妮】自由工作致勝攻略:做 Slash 一樣搵到錢買樓

 

5)鄭麗莎(Lisa Cheng)

圖片來源:鄭麗莎Facebook

對於鄭麗莎嘅印象,好多人記得佢係「蜘蛛女」,除咗因為佢搶包山叻,更因為佢百足咁多爪。既係香港健美、攀石、體操隊代表成員,同時擁有健身、攀石、體操、拳擊、泰拳、健康舞、健康球、肚皮舞教練資格。更擔任多間大專院校客席講師、電視節目主持、專欄作家、模特兒、舞台劇演員、動作特技演員及品牌代言人。自從生咗三胞胎後更成為媽媽界嘅網絡紅人。如此有自信與能力,佢作為Slash當之無愧。

(鄭麗莎Facebook:https://www.facebook.com/spiderlisa

 

6)吳天麗(Cat Ng)

圖片來源:Takumiphotography

另一位運動員出身嘅Slash就係吳天麗。佢係香港女子沙灘排球代表隊員,曾代表香港出戰仁川亞運。佢另一個特別身分就係紋身師傅,佢亦喺自己腳上紋上金紫荊圖案。近年,吳天麗破格主持ViuTV全新體育節目《體育係……》,絕對係新嘗試!

(吳天麗Facebook:https://www.facebook.com/ngtinlai

 

7)Will Cho

圖片來源:Will Cho Facebook
圖片來源:Will Cho Facebook

80後Will Cho,係香港其中一個貼地嘅Slash代表。何謂貼地?佢同香港好多年輕人一樣,沒有彪炳學歷,更曾放棄IVE課程到咖啡店兼職侍應幾年。對於佢嚟講,服務業唔係做自己。為咗平衡生活,佢周而復始地兼職與旅行,孤身上大東山拍攝夜空。靚相於網上瘋傳,得到過千個Like,被喻為「銀河小王子」。機遇令佢得到唔同人垂青,嘗試做風景攝影師、廣告主角、寫專欄以及幫電視台主持行山節目。

(Will Cho Facebook:https://www.facebook.com/willcho.colate

 

8)小克(蔣子軒)

圖片來源:HOKKfabrica

小克係香港本土漫畫家,因雜誌連載漫畫《聾貓》而廣為人知。小克能畫能作,佢拿手為廣東歌填詞,代表作品有Mr.的《如果我是陳奕迅》,亦有惡搞流行曲歌詞。有佢年輕時,畢業作品動畫片受賞識,以Freelance形式跟導演王家衛做創作。另有接廣告界工作,做插畫師畫Mood Board。

(小克Facebook:https://www.facebook.com/panda.a.panda.hk

 

9)陳莉敏(Queenie Chan)

圖片來源:Queenie Chan Facebook

陳莉敏95年落選港姐後,做過空姐同模特兒。不過,最受關注係佢驚人嘅整容次數,高達30多次。貪靚嘅Queenie毫無保留喺網上分享佢整容、扮靚同兩性關係心得,瀏覽率近9,000萬。佢亦自稱為「香港首位Web-J」、「慈禧級博客」、「YouTube大姐」。Queenie成名後,有做節目監製、真人騷主持、專欄作家醫美顧問、網上商店創辨人、專欄作家、食譜作者、飾物設計師以及創意總監。

(陳莉敏Facebook:https://www.facebook.com/msqueeniechan

 

10)袁彌明(Erica Yuen)

圖片來源:袁彌明Facebook

袁彌明退出娛樂圈後,為報社同雜誌撰寫專欄以及錄Youtube片教人扮靚同政治知識。佢成立護膚品和雜貨專門店「袁彌明生活百貨」,擔任老闆娘。除此之外,袁彌明曾經係政黨主席,曾參選立法會議員,政商兩邊走。

(袁彌明Facebook:https://www.facebook.com/ericayuen

 

睇完以上10大傑出青年 Slash」,係咪對Freelancer另眼相看呢?其實你絕對有本錢做Slash,俾自己自由選擇唔同工作以及拎更多實戰經驗啦!如果你有任何才華或對某種工作充滿熱誠,千祈唔好埋沒咗佢。正所謂「行行出狀元」,有心有力就可以成事!

想留意市場上有乜工作?想透過平台聯絡更多客戶?即上HelloToby登記成為專家!

立即登記

>>> 【 HelloToby 專家全攻略】如何註冊成為專家 + 如何報價 <<<

>>>【 提升信貸評級 】 環聯信貸報告 必須認識的7大要點<<<

如果你想了解下我哋有乜服務,亦可以上HelloToby主頁瀏覽!

——

延伸閱讀:做 Freelance 的10大貼士

延伸閱讀:助你升職加薪轉好工的6大 進修課程

緊貼HelloToby BlogFacebook Page,隨時搵 #AskToby 幫手!

 

Leave a Reply

Your email address will not be published. Required fields are marked *