【我要變大隻】搵私人健身教練 7大注意事項

健身風氣係香港愈來愈盛行，而且唔止係男士，而家不少女士都祟尚健美身材。不過，要操到自己有一身古銅色結實肌肉，甚至係8舊腹肌，單靠自己跑步做Gym未必有效，點都要搵番個健身教練教路先得。HelloToby 平台上就有不少私人健身教練為大家提供服務。但私人健身教練收費參差，點樣先知道價錢係咪合理？想知私人教練收費點樣定？我哋今次搵到網上健身平台 Pit Stop 同大家分享下搵私人教練有乜要注意啦！

1）留意評價 – 慎用健身器材

要選擇一個可信嘅私人教練，可以參考客人或者朋友嘅評價。由於健身課程會涉及運用大量健身器材，你需要一個可靠嘅私人教練指導你嘅動作，避免因爲動作錯誤令肌肉受損。除左留意教練嘅教育背景、健身證書嘅認受性等資歷之外，教練年資同用戶評價都好重要。證書當然可以證明教練達到一定嘅專業資格，但要判斷教練係咪可以迎合你嘅健身需要，最好就係聼下用家嘅個人經驗。

2）個人化課程配合做gym 進度

私人教練最大好處係可以為你安排針對性嘅健身課程。人人目標不同，有人想變大隻，有人想減肥，有人想練馬甲線。跟教練上堂當然有用，但都要配合恆常嘅鍛煉先可以達到最佳效果。專業嘅私人教練會明白你嘅身體狀況，持續檢視進度，按客戶個別嘅時間表制定健身計劃同埋建議你私人時間應該點樣做gym 、飲食方面點樣配合。一般健身房都係按package收費，付款前你可以留意下package内係咪有齊你需要嘅服務，避免之後因爲額外收費而有爭執。

即搵私人健身教練

3）考慮性別需要 – 聘用健身女教練？

健身過程中少不免有身體接觸，你可以依照個人需要選擇女教練或男教練，私人健身教練收費唔會因爲教練性別而有唔同。對女性客戶黎講，女教練會更了解女性需要，感覺上比較親切同細心，建議女學員可以搵番女教練。

4）尋找最佳健身教練 – 安排試堂是上策

香港健身業偶有不良銷售分子，偶爾都會聼人講曾經被健身教練「疲勞式轟炸」或餌誘預繳費用，所以對健身教練存有陰影。的確，如果付款之前冇就私人健身教練收費妥協，之後好容易會發生爭執，最後甚至要打官司處理。其實最理想嘅方法係約健身教練安排試堂，如果面對面傾過之後覺得付款模式同風格等各樣都合適後，先正式開始課程。

私人健身教練價錢攻略

5）聘用合資格人士 – 教練有冇健身教練牌？

雖然本地健身教練冇指定執業限制，但多數教練都具備體適能課程證書或私人中心頒發嘅證書。證書同執照可以證明教練通過左運動力學、運動生理學、運動營養學、體重控制及或基礎體適能等測試，而且有一定嘅專業水平。具備專業證書嘅教練收費通常較高，如果教練仲有TRX、Crossfit、泰拳等課程嘅認可，學費都會較高。

6）健身中心 – 私人或小組授課

好多健身中心都會提供3-5人嘅小組課程，你可以join現有課程或者同朋友一齊參加，價錢會比私人授課划算。如果係一對一上堂，健身教練可以針對你嘅問題即時更正，但小組上堂的話教練就要配合每個學員嘅進度同需要，分配比你嘅時間自然分薄左。不過小組課程嘅好處就係有其它學員互相督促，咁就唔駛一個人係gym room孤軍作戰啦！

7）健身課程 – 學費每堂或每月繳費

健身課程通常係定期收費，亦有啲中心係不按堂數，買左package就可以任去。最理想嘅繳費模式係每堂繳費或每月繳費，避免一次過交過多學，萬一教練或中心出現狀況都唔會損失太多。好多人會太過重視健身服務内容而忽略收費模式嘅部分。其實學費都應該係揾健身班嘅一個重要考量，如果去到開始聘用後先發現問題就會令到雙方都好麻煩。