【夏日好去處 】10大必去靚景沙灘!最新香港沙灘推薦

更新於2021年06月01日

講起暑假好去處?夏日好去處?週末好去處?炎炎夏日熱辣辣,唔少人都鍾意去香港海灘暢泳消暑。香港雖然向來以石屎森林見稱,但其實都有唔少可以媲美外國嘅沙灘!Toby 為大家精選咗以下 10個景色迷人嘅香港沙灘,無論係一家大細齊齊去弄潮游水玩泥沙,定係同另一半去海邊手拖手浪漫睇日落,總有一個香港靚沙灘啱你去!

聖士提反灣 — 赤柱日落靚景任睇

提起赤柱沙灘,好多人都可能會諗到赤柱市集附近嘅赤柱正灘。不過如果嫌正灘太多人,想搵少人沙灘嘅話,不妨行遠少少去赤柱西面嘅聖士提反灣 。

除咗可以喺大海暢遊之外,呢度有10幾個燒烤爐可以同朋友一齊 BBQ 。由於周圍視野甚廣,係睇香港日落嘅好地方之一。鐘意影靚相嘅你,絕對唔好錯過赤柱黃昏!另外,赤柱海灘仲有水上活動中心,可以參加水上活動訓練班及同樂日,可以學下玩獨木舟同滑浪風帆添!如果想去赤柱正灘燒烤,或者聖士提反灣游水,記住要儘早到沙灘泊車同租 locker!

淺水灣 — 香港最美沙灘

淺水灣出名水清沙幼,依個香港島沙灘每年都吸引唔少市民同遊客慕名而來。

由於香港政府將淺水灣沙灘打造成海水浴場,各種設施一應俱全。淋浴設施、更衣室不在話下,附近仲有遊樂場和沙灘排球場,遊完水又可以去海灘上嘅鎮海樓公園 ,同埋淺水灣酒店改建而成嘅影灣園 ,餐廳、時尚商店、水療中心應有盡有。

銀礦灣泳灘 — 梅窩有咩玩 ?BBQ 沙灘推介

銀礦灣泳灘位於大嶼山梅窩,係一個適合一家大細嘅香港海邊好去處。梅窩作為大嶼山遊覽路線的起點,有關的交通極為便利,附近仲有唔少市集、餐廳、茶坊,飲食、娛樂、活動一應俱全。

至於大家最關心嘅沙灘 BBQ 設施方面,銀礦灣泳灘有20組燒烤爐、6個洗手盆(共12個水龍頭)。

唔少人鍾意閒時嚟游下水,享受日光浴。海灘附近有銀礦灣瀑布公園,種有宮粉羊蹄甲,係春季賞花嘅好地方,唔少龍友都慕名而來。玩到攰就可以去海鮮餐廳品嚐當地新鮮漁穫,如瀨尿蝦、海蝦同東風螺等,度過悠閒嘅一日。

溫馨提示:所謂「欺山莫欺水」,識游水,自然去海灘會玩得更放心更開心!即刻搵個游水教練,讓你或你家人練好泳術,迎接夏日!

浪茄灣 — 隱世西貢沙灘

浪茄灣鄰近西貢萬宜水庫東壩,人煙稀少,沙灘乾淨,海水又清澈,對出就係一望無際嘅南海,仲曾獲選為香港 10大自然勝景第5名。

呢度作為隱世沙灘係有原因嘅,因為要前往浪茄灣需要行頗長一段山路。如果你自問體能有限,另一個選擇就係約一班朋友租遊艇 ,通過海路直接去浪茄灣。

洪聖爺灣泳灘 — 離島好去處

洪聖爺灣泳灘位於南丫島,水質極佳,而且出市區只需半個鐘左右,相當方便。南丫島別具獨特嘅小島風情,兼容咗老香港漁村文化同西方文化氣息,令你唔使出國就享受到喺海外度假嘅感覺。

洪聖爺灣泳灘同樣設有沙灘燒烤場,共有9組燒烤爐、1個洗手盆(共2個水龍頭),想要睇靚景又鐘意 BBQ 嘅你就唔好錯過啦。

貝澳泳灘 — 香港日落 觀賞勝地

貝澳泳灘係貝澳著名嘅海灘,由於位於西南偏南,呢度可以睇到極美嘅日落。海灘旁邊就係貝澳營地,提供超過50個營位。另外亦設有燒烤場,共有6組燒烤爐、1個洗手盆(共3個水龍頭),免費開放俾公眾使用。游完水之後,再喺海邊露營、BBQ,一面欣賞黃昏景色,夠晒寫意。

上長沙泳灘 & 下長沙泳灘 — 香港最長海灘

長沙泳灘係貝澳另一個著名海灘,亦係全港最長嘅海灘,全長3公里,最適合同另一半喺黃昏時沙灘漫步,係夏日拍拖好去處!沙灘上亦設有私營水上活動中心,提供單槳直立板、滑浪板同獨木舟等水上運動器材嘅租貸服務,啱晒好動嘅朋友。

燒烤場嘅話,就剩係得上長沙泳灘先有,共有7組燒烤爐。

西灣 — 香港沙灘好去處

西貢大浪灣 一共有4個海灣,被稱為「四灘一尖」,其中以西灣最出名,名列「四灘」之首。西灣嘅海灣遼闊,而且景色優美,曾被選為「香港10大自然勝景選舉」第1名。

西灣其實係西貢多條行山路徑中必經嘅一段,如果你係行山熱好者,鐘意假日擁抱大自然,發掘香港靚景呢到就啱哂你啦!

三星灣 — 香港少人沙灘

唔好以為西貢沙灘就一定多人又逼。位於西貢嘅三星灣由於位置較偏避,由卡交通不太方便,所以遊人不多,但勝在環境零舍清幽。呢度嘅沙灘水質良好、海水極清澈,更長期獲評為一級水質,可以話係香港難得一見嘅隱世海灘 。

唔好以為三星玩泳灘位置偏僻配套設施就差,呢度一樣設有沙灘燒烤場!

石澳大浪灣泳灘 — 滑浪熱好者必去沙灘

如果你熱愛滑浪,咁就一定要去石澳大浪灣泳灘。呢度一年四季都風高浪急,浪濤洶湧,係香港著名嘅滑浪熱點。衝浪唔啱你?不如沿住龍脊遠足徑行下啦!龍脊曾榮獲旅遊書《Lonely Planet》選為「香港最佳遠足路線」,欣賞下沿途大浪灣、南中國海、石澳等一帶嘅景色。

大浪灣泳灘 一樣可以燒烤!呢度共有20個燒烤爐,數量充足,唔驚同人爭崩頭!

唔知上面精選嘅 10個香港沙灘推薦啱唔啱你心水呢?不過記得夏日陽光毒辣,去十大海灘,就一定要記得做好防曬措施,以免曬傷!想喺夏天來臨前學識游水?即上 Toby 了解學游水收費,再搵返個合適嘅游水教練!

想由專業游泳導師指導進行游泳教學?只需3步,物色全港最佳游泳導師

Toby 游泳老師評價

5.0
(593)
Jimmy
5.0
2021年06月10日

很好

Sheldon
5.0
2021年06月10日

教練專業且有耐心,糾正動作等等很到位

HA LOK YIN
5.0
2021年06月08日

非常好,非常細心耐性地教導 一對一專業教導!