【 海外升學 攻略2017】10大熱門留學國家學費知多少

每年DSE放榜,學生都要為大學學位爭崩頭,令唔少家長萌生送子女到 海外升學 、「浸鹹水」嘅念頭,期望日後有更好出路。不過,揀選留學地點時除咗大學質素、入學要求外,仲要考慮埋學費、生活費等開支。HelloToby就為大家簡介下10大熱門升學地區嘅費用俾大家參考!

【 海外升學 攻略2017】10大熱門留學國家學費知多少

1)中國內地

香港學生想到內地升學有唔少途徑,譬如透過免試招收計劃,憑DSE成績就可以報考約90間指定高等學府,又或者參加港澳台聯合招生考試,報考內地超過300間大學。內地大學對港生較鬆手,除咗香港聯招考試嘅試題相對容易外,收生分數亦比內地高考生低。此外,內地大學設有近300個專科,連考古、航天同園藝呢啲冷門科目都有,而且好多科目如中醫、金融等學科都係文理兼收嘅,學科選擇比香港更廣泛。

學費及生活費:港人可享學費優惠,大學本科學費約為每學年人民幣4,500元至9,000元(約HK$5,000 – $10,000);而生活費約一年HK$10,000。

入學要求:只要持有香港永久性居民身分證就可以透過聯招考試報讀內地大學,不過「內地部分高等院校免試招收香港學生計劃」就只限應屆DSE考生參加。

(溫馨提示:去內地或台灣升學,先學好普通話當然會更好吧!即上我哋平台,搵番個普通話班報讀啦!)

 

2)台灣

台灣鄰近香港,文化同語言較相近,再加上生活成本低,成為唔少人升學嘅選擇。此外,台灣嘅國立大學會分配固定名額予內地同香港學生,所以成功考取國立大學嘅機會甚至比台灣學生更高。台灣各院校設有彈性學制如跨國雙聯學制,亦有香港較少見嘅冷門科目如農業同海洋生物等。

學費及生活費:根據台灣海外聯合招生委員會,文、法、商、數、教育學院嘅學費平均只需HK$5,000 – $6,000,而理、工、農、醫學院就約為HK$6,000 – $8,000左右,再加上每學期住宿費同生活費,一年平均開銷為7.8萬至15萬台幣(即約HK$21,000 – $37,000)。至於私立大學嘅學費一般就大概為公立大學嘅2倍。

入學要求:想赴台灣升讀大學,條件相對簡單。申請人只要係DSE畢業又或者舊制中五/中七畢業生就得。未能達到大學最低錄取標準者就要先報讀國立台灣師範大學僑生先修部1年,全年學費、食宿同制服等費用約為9萬台幣(約HK$21,500)。

 

3)韓國

韓流席捲全球,唔少熱愛韓國文化嘅人都想有興趣到韓國升學。韓國有超過400所公立私立大學,以汽車、造船、化學及IT等學科最突出,而且不乏知名學府,好似首爾國家、韓國科學技術學院同浦項工業大學,都係世界大學亞洲區排名中名列前茅。此外,韓國設有多項國外留學生資助同獎學金制度,除咗學費外,就連生活費、來回機票同醫療保險都可獲得資助。

學費及生活費:韓國學位課程學費一年為US$5,000 – $8,000(約HK$39,000 – $62,000),而私立大學學費比公立大學貴4成至5成。生活費約為30萬至40萬韓圜一個月(約HK$2,000 – $2,600)。

入學條件:想升讀韓國大學,申請人必須為高中畢業,並通過韓國語能力試4級,先至可以修讀當地大學本科課程。如果揀以英文修讀嘅課程,有TOEFL或IELTS等全球公認嘅英語成績就可獲豁免。

(溫馨提示:想去韓國升學,要先通過4級韓語試喎!想搵韓文班?我哋都可以幫到你!)

 

4)芬蘭

芬蘭教育主張愉快學習,要提升學生嘅學習動機,所以芬蘭嘅學生平均質素高之餘,喺PISA國際學生能力評估計劃都有優秀成績,芬蘭嘅教育理念同教學方法亦因此備受推崇。芬蘭好多高等院校嘅課程都以芬蘭語同瑞士語授課,如果識呢2種語言,選擇就多好多。不過,芬蘭多間應用大學亦會提供近100個英語授課嘅學士課程。

學費及生活費:好多人都知道北歐稅高物價高,但就冇諗過原來芬蘭、挪威等國家提供免費教育,就連外國國籍學生都一律免費!至於生活費就為每個月約800歐羅,一年費用為9,600歐羅(約HK$80,000)。

入學條件:如果報讀以英語授課嘅課程,申請人只需提供IELTS或TOEFL成績證明英語能力就得。部分學院或會要求申請人通過指定入學試,如報考應用科技大學,就要考Finnish Network for International Programmes(FINNIPS)入學試。

 

5)日本

日本大學嘅學術水平同研究都蜚聲國際,其中以尖端技術、人文學術等領域最突出,唔少大學入圍為亞洲大學前50名,部分更擠身世界大學百大之列。除咗大學外,日本仲設有短期大學同專門學校,適合想學習專門領域(如動畫、美容同服飾設計)嘅知識同技術嘅人報讀。

學費及生活費:日本公立同國立大學嘅學位課程第一年學費連同註冊費約為每年77萬至82萬日圓(約HK$52,000 – $55,000),而私立大學、專門學校同短期大學學費(連同註冊費)則平均以110萬日圓起跳(約HK$74,000),視乎學科而定。至於生活費就視乎地區而定,平均每個月至少為9萬至10萬日圓(約HK$6,000 – $6,700)。

入學條件:想升讀日本高等教育機構,申請人要具備12年或以上教育程度,如果要報讀大學院就要有16年教育程度。另外,日本學校以日本人為主要收生對象,以英文教授嘅課程唔多,所以要到日本升學至少應有日本語2級能力。

(溫馨提示:去日本升學,要識日文是常識吧!即刻搵番個日文班啦!)

相關閱讀:【 日文班 攻略】揾日語導師要注意的5件事

 

6)加拿大

加拿大不單止係港人移民嘅熱門地點,同時亦係唔少學生嘅理想求學之地。原因好簡單:加拿大教育質素高,教學及研究設施完善,而且人口種族多元化,令學生有更多機會接觸唔同國家嘅人,擴闊眼界。再加上加拿大社區安定繁榮,生活環境極佳,每年都吸引唔少留學生前往升學。

學費及生活費:加拿大雖然同美國相近,但學費就相差一大截。大學學位課程平均為9,000至2.6萬加幣(約HK$93,000 – $154,000),生活費就每年6,000至1.6萬加幣(約HK$35,000 – $95,000)。

入學條件:加拿大高等學府嘅入學要求同其他英語國家相若,申請人一般先要考取IELTS或TOEFL。

相關閱讀:【 海外升學 攻略】考TOEFL定IELTS?報考外國大學必知6大入學試

 

7)新西蘭

新西蘭教育質素出名高,國內有過百所私立專門學校同8間國立大學,每間大學都受到新西蘭政府嘅審查評鑑,學術水準大有保證。此外,紐西蘭民風純樸,自然環境怡人,對國際學生嚟講係安全又適舒嘅留學之地。

學費及生活費:西蘭嘅大學學位課程學費約為1.8萬至2.3萬新西蘭(約HK$104,000 – $129,000),視乎院校同課程而定。至於生活開支就大概為每年1.5萬至1.8萬新西蘭(約HK$84,000 – $104,000)。

入學條件:唔同院校同課程都會有特定的入學要求,不過一般申請人要於DSE文憑試要有3科達4級(包括英文科同2科選修科),而且要於IELTS考獲6.0或TOEFL(iBT)達213分。

 

8)澳洲

澳洲係全球第三受歡迎嘅留學地點,不但有多間世界頂尖大學,而且國際認受性高,其中以工商管理、會計、金融科目最聞名,再加上大部分課程為3年制,學生可以更快取得學位。此外,澳洲經濟繁榮,而且生活環境良好。根據經濟學人2016年全球10大最宜居住城市調查,澳洲就有3個城市名列10大,其中墨爾本更位居榜首,所以唔少家長都好放心俾子女去澳洲升學。

學費及生活費:澳洲嘅大學學費約為1.4萬至3.5萬澳元(約HK$82,000 – $204,000),而每年生活費就要預1.8萬至2.4萬澳元(約HK$105,000 – $140,000)。

入學條件:申請人要具備IELTS 6.0至6.5或以上英語水平。如果DSE成績未如理想,學生亦可報讀澳洲主流大學嘅基礎課程

 

9)英國

想學習純正流利嘅英語,教育歷史源遠流長嘅英國絕對係理想嘅留學地點。英國擁有多間舉世聞名嘅高等學府,教育質素自有保證,而且學歷廣受全球多國認可,他日回流香港無論想繼續升學定揾工選擇都多好多。另外,英國鄰近法德等歐洲國家,赴英留學時亦係認識歐洲文化嘅好機會。

學費及生活費:英國學費同生活費比起亞洲地區貴得多,單係大學學位課程平均就要1.4萬至3.5萬英鎊不等(約HK$136,000 – $340,000),而每年生活費就要9,600至1.2萬英鎊左右(約HK$93,000 – $120,000)。

入學條件:想入讀英國大學就要經由「英國大學及院校招生事務處」(簡稱 UCAS)遞交入學申請,而考試成績換成UCAS分數後必須達到大學學科嘅最低入學要求。另外,申請人亦要取得IELTS 6.0至6.5或以上水平,以證明英語能力。

(溫馨提示:提升英語能力,日後想去澳紐英美加都OK啦!即上我哋平台,搵英文班英文補習班

 

10)美國

美國擁有完善嘅教育制度,而且學術水平高,設備完善,2016/2017 QS世界大學排名中頭10位就有一半為美國大學,難怪即使學費高昂,都仍吸引大批來自世界各地嘅學生赴美升學,係全球學生嘅留學地點首選。電腦工程、化學工程同工商管理等科目都係當地較熱門嘅學科。

學費及生活費:美國留學費用比一般國家更高,而且不同院校收費差異大,以大學學位課程為例,平均學費為1.5萬至4.8萬美元(約HK$116,000 – $372,000)不等。而生活費則要1.2萬至2.5萬美元(約HK$93,000 – $193,000)。

入學條件:報讀美國大學必須要通過特定嘅考試,一般4年制院校會要求申請人獲得TOEFL(iBT)80分或以上。如果想入讀著名學府,就需要通過美國大學入學試(SAT同SATII)。

 

去外國升學手續繁複,除咗要處理入學申請外,仲要安排住宿同辦學生簽證等,如果語言不通就更麻煩。如果你(或家人)有計劃想出國升學,可以到HelloToby網上平台揾升學顧問尋求專業意見

即搵升學顧問

 

相關閱讀:【步步高陞,事業運升】助你升職加薪轉好工的6大 進修課程

相關閱讀:【家長必讀】10大有助子女升學的 興趣班

——

你或你家人都有計劃去海外升學?其實操好外語真係好緊要!即上我哋嘅免費平台搵番個語言班啦!

即搵語言班

 

想加入HelloToby成為語言班導師?

馬上登記

 

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *