每到周末，唔想留喺屋企咁無聊，一於出去玩吓啦！香港各區都有值得推薦嘅熱門景點，今次先為大家介紹屯門區，無論你係想一家大細的親子遊、同另一半甜甜蜜蜜的情侶遊、定係成班閨蜜一齊打卡影相，屯門區都有必去嘅好地方，以下為大家精選屯門 10 大好去處，豐富你的假期！
屯門親子好去處
小朋友精力旺盛，係時候帶佢地出去玩下啦！一於睇睇屯門有咩地方，係啱一家大細親子遊架啦！
1. Aloha Gecko
位於安定村H.A.N.D.S商場的Aloha Gecko是小朋友嘅天堂，專為6個月至12歲小朋友而設，裡面以夏威夷風格作主題，充滿夏日氣氛，加上有波波池、繩網陣等設施，小朋友可以盡情放電！
→更多詳情：室內親子遊樂場 Aloha Gecko
2. 蝴蝶灣公園
香港人四季都咁鐘意燒烤，屯門嘅蝴蝶灣公園係好多人嘅首選，有成80個燒烤場爐，係香港最多燒烤場的地方。而旁邊就係泳灘，食飽可以去泳灘行下，啱哂一家大細！
燒烤場旁邊亦有停車場、兒童遊樂場、更衣室等設施，附近更有多間燒烤用品店、便利店等，可以去到先買食物同飲品，夠哂方便！
想搵更多親子活動？可以瀏覽我哋嘅全港親子活動指南！
親子好去處
3. T・ Park
有無諗過喺香港都可以免費浸 SPA？去屯門就有啦！T・PARK 源區位於屯門稔灣，係一個污泥焚化嘅地方，戶外園林花園有噴泉、荷花池同暖水足浴池等設施，而源．湖則是一個重新建置嘅雀鳥保護區，想浸 SPA 就要去源．泉，有落地大玻璃，日落時就可以一邊做SPA一邊欣賞黃昏時嘅日落景色！
想知更多關於T．Park的詳情？
可以參考＞＞免費水療 X 屯門隱世打卡位 T · PARK [源 · 區]
4. 屯の大阪章魚燒
屯門嘅街坊美食同樣選擇多多，當中超人氣嘅章魚燒絕對係必試，除咗章魚燒口味外，卸仲有明太子、蟹籽同香蔥，更超級足料，好多唔係住屯門嘅人都會特登入去食，就知有幾勁喇！
想搵更多親子活動？可以瀏覽我哋嘅全港親子活動指南！
親子好去處
閨蜜同遊－屯門影相好去處
同閨蜜出遊，最重要係有個靚的地方可以打卡影相，玩夠仲可以去 Cafe 坐一坐添！
5. 清山塾
如果你平時鐘意行下文藝空間，清山塾就啱晒你喇！位於清涼法苑內，總面積有近六千呎，分為Cafe、書店同展覽場地，中庭仲有佔地面積最大嘅公共空間，對於喜歡行展覽嘅人嚟講，呢到絕對係一個好地方！
→更多詳情：文空間－清山塾
香港嘅打卡靚景又邊止咁少？！
打卡熱點指南
6. 黃金泳灘
作為屯門最大嘅沙灘，黃金泳灘／沙灘全長五百米，沙質幼細，無論你係想曬曬太陽定游下水都無問題，加上設有沙灘排球場，又係時候可以大顯身手喇，約晒成班朋友去玩足一日就最啱！
7. 聚福樓
嚟到屯門，又怎能錯過打卡 Cafe 呢！聚福樓係其中一間人氣超高嘅咖啡廳，聽名以為係一間食點心嘅酒樓，但其實係好有異國風情嘅Cafe，整間店都佈滿咗店主由世界各地搜羅返嚟嘅小物，非常適合打卡影靚相，食物中以 All Day Breakfast 最受歡迎，好味之餘仲好健康添！
8. 屯門青山灣海濱長廊
三聖海鮮街旁有一條青山灣海濱長廊，可以同時飽覽避風塘及屯門海岸的景色，如果日落時分前來的話，更能欣賞到迷人嘅夕陽。走到海濱長廊盡頭，可以在石壆上看日落美景，同朋友傾下計影下相，非常寧靜舒服。
除咗戶外打卡景，仲有好多適合影相嘅室內活動！
室內打卡熱點指南
屯門拍拖好去處
一去到周末就唔知帶另一半去邊度玩好？等我地幫你收集屯門情侶必去的景點啦！
9. 藍地水塘
喜歡行下山做下運動的話，藍地水塘的路段輕鬆唔太難行，最適合平時少運動又想行下郊外嘅情侶們。藍地水塘大部分嘅路段都係易行嘅石屎路及有樹蔭，所以相對易行，加上屯門徑有段彩虹段，扶手欄杆搽上七彩嘅顏色，係影相打卡嘅地方，同時更可以欣賞整個屯門及青山路嘅景色。
10. 菠蘿山
有港版大峽谷之稱嘅菠蘿山，係好多行山人士嘅BucketList裡一定會有嘅項目。整段行山路大部份都係斜路，一開始係寬闊嘅石屎路，之後會變成比較難行嘅山路，少行山的話就要衡量一下自己嘅能力。雖然會有啲辛苦，不過見到景色就會覺得值得，如果係日落黃昏嘅時間，更加可以拍出壯麗嘅畫面！
唔鍾意行山？唔梗要～我哋仲有拍拖好去處指南，精選19個唔同種類嘅情類活動！
情侶拍拖好去處
【想搵更多兒童節復活節好去處？】
兒童節 X 復活節主題工作坊 – 全部都有獨家報名優惠！HelloToby都知道香港啲父母要諗活動俾小朋友玩都好頭痕，所以為各位港爸港媽搜羅咗多個好玩工作坊 – 而且保證全部 100% 有報名優惠 (有唔少工作坊都提供緊親子同行優惠)！
現時 HelloToby 上囊括嘅工作坊類型包括自助畫室、永生花、食物製作等，一定夠多花款畀每位大小朋友去玩！
想放假有個輕鬆既親子活動，同佢一齊上堂整手作仔就最發揮到小朋友無限既創意！你同小朋友一齊整嘅作品未必會係世界上最完美嘅藝術品，但係一定會係世界上最美好嘅親子回憶！既然 HelloToby 都提供埋獨家報名優惠畀大家，大家就唔好再等啦，即刻去報名啦！
想搵更多香港唔同類型／地區嘅好去處？上我哋嘅「全港活動指南」啦！
我哋會每日為你搜羅香港各區各類型嘅所有活動，等你喺一個平台睇哂眾多資訊！
——
延伸閱讀：HelloToby全港娛樂活動指南 為你緊貼最新娛樂活動資訊
延伸閱讀：【室內好去處】2019香港商場活動推薦
延伸閱讀：【美食情報】2019香港美食情報
延伸閱讀：【展覽推介】2019香港各類展覽詳情
緊貼HelloToby Blog同Facebook Page，隨時搵HelloToby幫手！
