【打造夢想玻璃屋】玻璃屋工程 4大設計要點及注意事項

近年室內設計大行其道，越嚟越多人喺裝修新居嘅時候將玻璃屋當為興建選項之一。玻璃屋可以有好多用途，除咗用嚟觀賞星空、當做gym房之外，亦係同親友聚腳嘅好地方。但係玻璃屋工程步驟睇落繁複，究竟選擇玻璃屋設計同建築公司嘅時候有咩要考慮？玻璃屋又有邊啲設計要點值得參考？

Toby 今次邀請到 東亞搬運 為大家講解 1）玻璃屋構造、2）玻璃屋設計要點以及工程注意事項。想為家居添上簡約清新風嘅你，記得繼續睇落去啦！

1）玻璃屋的構造

玻璃屋可以按外形同材料分成好多種類。喺外形方面，除咗傳統溫室型的玻璃屋，近年有好多人都鍾意喺玻璃屋上面裝個簷蓬，提高美觀性。

按材料分類嘅話，玻璃屋主要可以分為鋁製方管鋼構玻璃屋、日式三合一鋁鋼構玻璃屋，同埋H型鋁鋼構玻璃屋。以前玻璃屋一般採用鋁製方管同不銹鋼結構，直至日式三合一鋁鋼構同H型鋁鋼構出現後，先多咗行內人士採用呢兩款結構。

喺三款結構入面，由於H型鋁鋼構玻璃屋嘅載重量最高，佢嘅結構最為安全。其次係日式三合一鋁鋼構，主要組成部分有主架、副架和壁座。最後係鋁製方管，佢嘅載重量和安全性最低，但價格亦都係最平。

2）玻璃屋設計要點及工程注意事項

2.1) 安全性

無論係俾人住嘅玻璃屋，定係用嚟做溫室、露台、半開放空間甚至係裝飾嘅玻璃屋，進行工程時最重要嘅考慮因素一定係安全性。呢度講嘅安全包括本身房屋結構同埋玻璃屋嘅安全。

2.2) 採光性

顧名思義，一間好嘅玻璃屋當然應該好似玻璃咁透光。一般嚟講，玻璃屋至少都有三面係透光，部分玻璃屋如果係由露台改造，可能會因為結構限制而唔能夠落實某啲設計諗法。

但玻璃屋設計公司都會盡力滿足客人需要，喺許可嘅範圍內盡量改造。譬如如果唔可以三面都開窗，佢哋會將其中一邊嘅窗改成落地式，去達到最大嘅透光效果。

2.3) 選材

進行玻璃屋建築嘅時候，選材扮演住好重要嘅角色。由於選材同玻璃屋結構嘅安全有密切關係，所以工程承建商通常會喺呢方面同顧客有多啲溝通，希望可以同時滿足佢哋嘅需要同埋安全上嘅考慮。

對玻璃屋嘅選材嚟講，主要牽涉嘅範圍有玻璃屋嘅骨架同透光材料。通常玻璃屋嘅骨架會用不銹鋼、鋁合金、碳鋼等製成，而透光材料就分為膠合玻璃、陽光板等等。採用唔同選料嘅造價都唔同，所以記得喺落單前同承建商預先溝通好啦。

2.4) 工程承建商

最後，揀到一間好嘅工程承建商都係非常重要。一間好嘅承建商可以影響成個玻璃屋設計同建築嘅經驗。好似東亞搬運 ，佢哋具備豐富嘅玻璃屋設計同建築經驗，擁有最專業嘅搬屋同玻璃屋工程建造團隊。各位喺揀玻璃屋設計同建築公司之前，記得比較下佢哋嘅套餐內容同收費先，咁就可以確保揀到最適合自己嘅玻璃屋設計公司啦。

介紹咗咁多進行玻璃屋工程嘅注意事項，唔知有冇增進你對玻璃屋設計同建築嘅了解呢？如果你想興建玻璃屋嘅話，你可以經Toby 平台搵到最合適你嘅玻璃屋設計公司！

即搵玻璃屋設計及建築公司

想趁住設計玻璃屋執屋，但太多雜物唔知點處理好？你可以將你嘅物品放置喺迷你倉度！想順便做埋窗工程、冷氣工程、傢俬工程、油漆工程甚至係電力工程？Toby平台上都有相應嘅專家為你服務！

即搵室內裝修公司