【明月照香港】中秋 賞月好去處 2017

中秋佳節就到,又係時候約埋親朋好友歡聚一堂。賞月食月餅固然係每年指定動作,不過大家亦可以參加香港各區舉行嘅中秋綵燈會同舞火龍活動,感受一下節日嘅熱鬧氣氛。HelloToby為大家介紹今年一系列中秋節慶活動同 賞月好去處 ,等大家開開心心共度佳節!

 

綵燈會活動

1)中秋綵燈會

康文署每年都會於各區舉辦綵燈會,除咗有大型綵燈展覽外,仲設有各式各樣嘅遊戲攤位、傳統手工藝示範、許願活動、燈謎競猜同埋各種歌舞表演,啱晒一家大細參加。

 

維多利亞公園中秋綵燈會

日期:2017年10月4日(三)

時間:8:00pm – 11:00pm

 

沙田公園中秋綵燈會

日期:2017年10月5日(四)

時間:7:30pm – 10:00pm

 

青衣公園中秋綵燈會

日期:2017年10月6日(五)

時間:7:30pm – 10:00pm

 

溫馨提示:中秋佳節,要送親朋戚友水果月餅,但又冇時間搞?搵專家幫手啦!

即搵水果送禮服務,提早準備!

 

2)中秋專題綵燈展

香港文化中心露天廣場將會舉行中秋專題綵燈展,去年以「飛奔到月球」為主題,展出各種得意小動物同傳統神話故事人物嘅綵燈,吸引好多家長帶同小朋友觀賞。今年嘅主題雖然尚未公布,但都好值得期待。

地點:香港文化中心露天廣場

日期:2017年9月22日 – 10月15日

時間: 6:30pm – 11:00pm

 

舞火龍活動

3)大坑舞火龍

舞火龍源自於居民為求消除瘟疫而進行嘅儀式,時至今日已變成香港獨有嘅中秋傳統習俗,幾年前更被列入為國家級非物質文化遺產添!今年大坑舞火龍活動由傳統嘅3日延長至4日,其中中秋正日當晚(10月4日)晚上約10:45pm至11:30pm,火龍更會舞至鄰近嘅維多利亞公園中秋綵燈會。舞火龍嘅最佳觀賞地點係銅鑼灣浣紗街,想睇嘅朋友切勿錯過!

日期﹕2017年10月3日至6日

時間﹕10月3日及5日/晚上約8:15pm至10:30pm
   10月4日/晚上約10:45pm至11:30pm(維多利亞公園足球場)
   10月6日/晚上約8:15pm至10:00pm

 

4)薄扶林村火龍盛會

大坑舞火龍就係人都知,但其實薄扶林村都有一年一度嘅舞火龍活動,而且巡遊後健兒仲會舞着火龍到瀑布灣,將火龍投入海中,進行「龍歸滄海」嘅儀式添!想喺最佳位置欣賞舞火龍,記得提早到場霸定薄扶林村入口嘅位置喇!

日期﹕2017年10月4日

時間﹕6:30pm – 11:45pm

 

野餐賞月好去處

5)佐敦谷公園

佔地6.3公頃嘅佐敦谷公園係觀塘區最大嘅公園,園內有佔地近10萬平方呎嘅大草地,而且公園處於山谷地帶,景觀特別開揚,最適合帶同親友一齊來野餐賞月!園內仲設有迷宮花園、遙控模型賽車場同兒童遊樂場,小朋友可以玩足成日唔怕悶!

交通:從彩虹出發27/29M;從觀塘出發23;或由彩虹港鐵站步行約20分鐘。

 

溫馨提示:一家大細出外玩咁開心,不如搵個戶外攝影師幫你哋影番輯家庭寫真,留下美好回憶?

最佳戶外攝影師,馬上為你報價!

 

6)山頂花園

山頂花園可以俯瞰維港全景,再加上中秋明月,景觀就更迷人。園內設有大片草坪、維多利亞式涼亭、小山丘同水池,環境寧靜,喺度同另一半賞月零舍浪漫有情調。

交通:乘搭山頂纜車或15號巴士。

 

7)西九海濱長廊

想欣賞維景美景但又唔想山長水遠上山頂?長1.8公里嘅西九龍海濱長廊設有空曠草地,同樣係飽覽維港夜景同賞月嘅好地方。

交通:港鐵東涌線九龍站E4、E5出口/西鐵線柯士甸站F出口。

 

搞搞新意思,不如今個中秋玩下航拍

即搵航拍服務,免費為你報價!

 

8)大埔海濱公園

佔地22公頃嘅大埔海濱公園設有多個主題花園,環境優美,晚上沿住1,200米嘅海濱長廊邊散步邊賞月,再登上香港回歸紀念塔,更可俯瞰吐露港夜景。

交通:九巴72A、73、73X、75X、271、275R、74K、75K、71K或71S;或乘搭港鐵接駁巴士K17。

 

——

延伸閱讀:【共享家庭樂】香港周末 親子好去處 2017

延伸閱讀:【戶外郊遊樂】香港10大 遠足行山 好去處

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *