中秋節就到，又係時候約埋親朋好友歡聚一堂。除咗賞月食月餅呢啲傳統習俗之外，記住仲要約埋一班朋友去睇燈飾，感受吓香港嘅中秋氣氛呀！上年為大家介紹過2017中秋節賞月好去處，而今年香港就多咗好多中秋打卡地點，除咗每年定期舉辦嘅香港各區中秋綵燈會同舞火龍活動之外，好多地方都有好特別嘅燈飾，依加就等HelloToby為大家介紹2018年一系列中秋節節慶活動同賞月好去處 ，等大家開開心心共度佳節！
2018中秋潮流打卡位
1）[港島/九龍]「月兔．秋燈」－巨型發光月兔
講起中秋節你會諗起啲咩？除咗月餅、月亮…就梗係嫦娥同兔仔啦！
繼上年超受歡迎嘅月球展覽之後，今年利東街又再一次變成浪漫之地，展出澳洲著名藝術家Amanda Parer嘅巨型白兔藝術裝置，一共有成10隻唔同造型、高達7米嘅發光月兔，唔使驚要同人爭位打卡！
無論係充滿藝術感嘅你、文青Style嘅你、鍾意兔仔嘅你、定係想帶小朋友睇燈飾嘅你，都一定會鍾意呢個富有中秋味道、又可愛又新潮嘅月兔裝置！
除咗利東街之外，呢個裝置仲會係尖沙咀展出㗎！
「月兔．秋燈」巨型發光月兔
日期：2018年9月19日 至 2018年10月17日
時間：6:00am – 11:00pm
地點：九龍尖沙咀中港城平臺 及 灣仔利東街中庭
2) [九龍]「月球漫遊Moon Walk」
旺角係唔少人嘅聚腳點，但次次都係行街睇戲食飯，今次終於可以約埋朋友去旺角影靚相啦！
旺角始創中心今年係商場地面設置咗三大中秋光影主題裝置：
-「星際歷奇」打造銀河星際，等你仿如置身於浩翰嘅宇宙世界，探索宇宙奧秘；
-「3D月光隧道」模擬夢幻時光隧道，內有七個形態不一嘅3D月亮，你可以一次過窺探月亮盈虧；
-「夢幻萬華鏡」仿似巨型萬花筒，利用多面鏡面展現無數個夢幻圖案，等你係四方八面都感受到夢幻氣氛！
有興趣嘅你，只要登記成為fun享會員，就可以憑積分或消費滿指定金額嚟換取入場劵啦！咁有特色又咁靚嘅地方，你仲唔快啲約埋朋友一齊去？
「月球漫遊Moon Walk」
日期：即日 至 2018年9月26日
時間：12:00pm – 09:00pm
地點：旺角始創中心地面大堂
3）[新界] 「Fly Me to the Moon 星月幻想曲」
除咗港島九龍，新界都有有特色嘅潮流燈飾㗎！
荃灣廣場今年就為大家呈獻「Fly Me to the Moon 星月幻想曲」，設置4大以星空月夜為主題嘅裝置，當中有由超過15,000粒LED燈編製而成而且長達18米嘅星空隧道、5米高嘅夢幻月亮熱氣球、夢幻兔花園月光星湖、同埋鏡面上嘅彎月形小船。
行到入去有一種置身如童話世界嘅感覺，浪漫滿分，絕對係情侶約會、閨密影相嘅好地方！
「Fly Me to the Moon 星月幻想曲」
日期：即日 至 2018年10月7日
時間：10:30am – 10:00pm
(9月24日延長開放至晚上11時)
地點：荃灣廣場L5太空樂園
溫馨提示：中秋佳節，要送親朋戚友水果月餅，但又冇時間搞？即刻搵人幫手啦！
2018 中秋綵燈會
康文署每年中秋都會喺全港唔同地區舉辦綵燈會，十分適合一家大細食完飯之後去感受中秋氣氛，同屋企人賞吓月、猜吓燈謎、睇吓燈飾，除此之外，仲會有市集、各式各樣嘅展覽、團體表演，節目相當豐富！
4) 新界東中秋綵燈會
日期：2018年9月23日（日）
時間：7:30pm – 10:00pm
5) 市區中秋綵燈會
日期：2018年9月24日（一）
時間：8:00pm – 11:00pm
地點：維多利亞公園
6) 新界西中秋綵燈會
日期：2018年9月25日（二）
時間：7:30pm – 10:00pm
*各綵燈會仲另設綵燈展，展出日期由2018年9月21日至2018年9月25日，開放時間係6:30pm-11:00pm (中秋節正日9月24日延長開放至凌晨12點)，即使有事去唔到綵燈會，都可以去睇綵燈展覽㗎！
唔鍾意出街同人逼，但又想一班人開開心心慶中秋？即刻Book間Party Room開Party啦！
傳統舞火龍活動
舞火龍源自於居民為求消除瘟疫而進行嘅儀式，已有逾百年歷史，時至今日已變成香港獨有嘅中秋傳統習俗，幾年前更被列入為國家級非物質文化遺產㖭！如果你從來無去過任何舞火龍表演，咁就要係今年去感受一下舞火龍嘅壯觀同震撼場面啦！
7）大坑舞火龍
每年一度嘅大坑舞火龍盛會又嚟啦！火龍會首先喺大坑蓮花宮點睛開光，再「插香起龍」，之後就會按照傳統遊街，市民可以係唔同位置觀賞舞火龍，而最佳位置係浣紗街，有興趣嘅你記得要早啲去霸定個靚位呀！
日期：2018年9月23日 至 2018年9月25日
時間﹕9月23日及24日 ～約8:15pm – 10:30pm
9月25日～約8:15pm – 10:00pm
地點：銅鑼灣大坑
8）薄扶林村火龍盛會
大坑舞火龍或者係人都知，但其實薄扶林村都有一年一度嘅舞火龍活動，而且巡遊後健兒仲會舞着火龍到瀑布灣，將火龍投入海中，進行「龍歸滄海」嘅儀式添！想喺最佳位置（薄扶林村入口）欣賞舞火龍，記得提早到場霸定薄扶林村入口嘅位置喇！
日期﹕2018年9月24日
時間﹕6:30pm – 11:45pm
地點：薄扶林村
9）維多利亞公園舞火龍
維多利亞公園亦會喺9月24日嘅晚上進行舞火龍，而且地點同綵燈會一樣，啱哂又想去綵燈會，又想睇舞火龍嘅你！
日期﹕2018年9月24日
時間﹕10:45pm – 11:30pm
地點：銅鑼灣維多利亞公園
搞搞新意思，不如今個中秋玩下航拍？
野餐賞月好去處
想搵個地方坐低賞月玩燈籠？可以考慮吓去以下介紹嘅公園！
10）佐敦谷公園
佔地6.3公頃嘅佐敦谷公園係觀塘區最大嘅公園，園內有佔地近10萬平方呎嘅大草地，而且公園處於山谷地帶，景觀特別開揚，最適合帶同親友一齊來野餐賞月！園內仲設有迷宮花園、遙控模型賽車場同兒童遊樂場，小朋友可以玩足成日唔怕悶！
交通：從彩虹出發27/29M；從觀塘出發23；或由彩虹港鐵站步行約20分鐘。
11）山頂花園
山頂花園可以俯瞰維港全景，再加上中秋明月，景觀就更迷人。園內設有大片草坪、維多利亞式涼亭、小山丘同水池，環境寧靜，喺度同另一半賞月零舍浪漫有情調。
交通：乘搭山頂纜車或15號巴士。
12）西九海濱長廊
想欣賞維景美景但又唔想山長水遠上山頂？長1.8公里嘅西九龍海濱長廊設有空曠草地，同樣係飽覽維港夜景同賞月嘅好地方。
交通：港鐵東涌線九龍站E4、E5出口/西鐵線柯士甸站F出口。
13）大埔海濱公園
佔地22公頃嘅大埔海濱公園設有多個主題花園，環境優美，晚上沿住1,200米嘅海濱長廊邊散步邊賞月，再登上香港回歸紀念塔，更可俯瞰吐露港夜景。
交通：九巴72A、73、73X、75X、271、275R、74K、75K、71K或71S；或乘搭港鐵接駁巴士K17。
溫馨提示：一家大細出外玩咁開心，不如搵個戶外攝影師幫你哋影番輯家庭寫真，留下美好回憶？
——
延伸閱讀：【 傳統月餅 Vs. 新潮月餅 】中秋節月餅推介：8大必食 中秋月餅 2018
緊貼HelloToby Blog同Facebook Page，隨時搵HelloToby幫手！
Great post! Have nice day ! 🙂 aafcb