父親節送什麼花好 ？母親節就有康乃馨， 代表爸爸的花究竟有什麼？怕買錯花，分唔清啲花語，最後弄巧反拙？覺得剩係揀一種花好寡，唔夠驚喜？想要搭配多幾種有意思嘅花，但無從入手？Toby 幫大家諗多一步，搜集咗幾款熱門父親節送花 之選，大家只要花少少心思認識下相關嘅花語，就可以自由配搭出個人化嘅 父親節花束 ，譬如選擇爸爸鍾意嘅球隊顏色做主色！係唔係突然覺得成件事好有心思呢！
父親節送花
1） 石斛蘭 — 父親節的代表花
石斛蘭作為代表爸爸的花 ，自然係熱門父親節送花之選。唔同顔色有唔同花語，除左有代表純潔嘅粉色石斛蘭之外，黃色石斛蘭寓意勇敢、親切、威嚴，好似爸爸嘅形象一樣，最適合用嚟表達對爸爸嘅敬意。
2） 向日葵 — 父親節送花大熱之選
向日葵 又名太陽花，永遠都向光生長，俾人一種正面又開心嘅感覺，象徵開朗、剛強、積極向上。 相信呢啲特質，都係好多爸爸響仔女心目中嘅形象。向日葵更廣爲人知嘅特質就係佢用途好多，每部分都有特別用途，譬如種子可以榨成葵花油，黃色嘅花瓣可以做成染料，送俾全能嘅爸爸就最適合不過啦！
想要訂製你的專屬父親節花束 ？ Toby 幫到你！
3） 火鶴花 — 父親花另一選擇
火鶴花又名紅掌。從顔色可見，呢種花象徵溫暖、熱情、關懷。如果爸爸響你心目中有以上嘅特質，不妨買一束火鶴花俾佢，或者用幾朵嚟點綴花藝擺設。不過，切記唔好只送一枝，否則就有「孤掌難鳴」嘅意思！
創意類父親節「送花」
除左以上嘅鮮花之選，以下仲有一啲比較有新意又擺得耐嘅父親節「花束」，可以長期放響枱頭，又容易打理，啱曬平日工作忙碌嘅爸爸！
1） 多肉植物
盆栽外形可愛，唔需要經常淋水，最適合放響 Office。如果爸爸係上班一族，朧月、白姬之舞都係容易打理嘅款式，再配合一個精緻嘅水泥盤裝住，已經足以為工作空間增添一點生命力。想再有心思啲，可以考慮盆栽 DIY，親手配搭屬於爸爸嘅辦公室盆栽 。
想將禮物經過特別包裝，變到靚靚仔仔送俾爸爸？Toby 平台上面嘅禮物包裝專家幫到你！
2） 毛巾花
未必每個爸爸都鍾意鮮花同植物，咁有冇其它有新意嘅 父親節禮物 ？純棉毛巾一定適合實用型爸爸，但就咁送又略嫌寒酸？只要花少少心機將毛巾扭成花狀，就既有送花嘅意義，又唔會擺得一陣就凋謝啦。
3） 皮革花
如果爸爸鍾意皮具，不妨考慮皮革 DIY 整朵玫瑰花比爸爸做鎖匙扣，尤其適合鍾意低調又有品味嘅爸爸。皮革產品本身實用又耐用，如果放響玻璃罩內，就可以搖身一變，放響屋企做擺設。 Toby 可以幫你揾適合嘅皮革手工藝導師，幫你度身訂造適合嘅款式！
如果覺得剩系送一樣嘢表達唔到你全部嘅心意，你可以考慮搭配紅酒、水果籃、美食，打造成一個禮盒送俾爸爸！
唔知上面嘅父親節送花推介有無幫到你呢？希望以上嘅 Tips 可以幫你準備到一個最特別嘅 父親節花束 俾你爸爸啦！
你係花藝專家，想要發揮所長？加入 Toby 平台搵新客戶啦！
——
延伸閱讀：【 游泳班 開鑼】搵教練 學游水 6大須知（ 兒童泳班 + 成人泳班 ）
緊貼 Toby Blog 、Toby Instagram 同 Facebook Page ，隨時搵 Toby 幫手！
