農曆新年好快就到,Toby已經密鑼緊鼓,雲集咗各行各業專家,為大家解決一啲 過新年 嘅特別需要:代煮團年飯、大掃除!但就算你冇呢啲特別需要,我哋個平台有咁多行業咁多專家,總有啲服務會在過年前幫到你手,而家就同大家睇睇,點解你要搵 HelloToby !
1)我屋企地板要打蠟!
過年前要搵人幫手大掃除做家居清潔就係人都知啦!有冇諗過,做家居清潔做得徹底啲,連個地板都搞搞佢?無論係家庭定辦公室地板,經過一段長時間自然風化及人為損耗,表面嘅蠟層都會脫落,令地板光澤度大減。想地板重現光亮,就必須重新打蠟,同時可以防止地板風化,有助防水,方便清潔。雖然,打蠟都可以自己落手做,不過你本身唔熟手的話,分分鐘會好事多磨。都係搵個專家幫手打蠟,穩陣啲!
2)我要Upgrade屋企套影音!
過年前,不少男士都會心癢癢,想Upgrade下家中套影音設備,甚至係全部換咗佢!點解?一來,年尾出咗Bonus,辛苦工作咗一年,獎勵一下自己都好應該吧!二來,影音呢家嘢日新月異,而家而家又4K又投影又杜比全景聲,唔追貼啲好快就落後!之不過,如果涉及到大規模Upgrade,要拉過啲線又或者要安裝投影設備,搵番個影音專家幫手會事半功倍好多,包保你安裝妥當之餘,仲可以俾好多專業意見你!
3)我要Set個靚頭!
Set個靚頭過新年,是常識吧!或者你慣咗幫襯屋企附近嘅髮型屋,又或者你相熟嘅髮型師傅在中環名牌Salon要提早Book,之但係大時大節前,佢哋都好有可能Fully Booked。不過,而家你安坐家中,都可以搵到多位髮型專家向你提供服務報價,大家夾好咗細節同時間,先落實Booking未遲!
4)我要做Facial!
同Set頭一樣,過年前做番個靚Facial,調理一下肌膚,正所謂「容光煥髮」,咁拜年時見人就唔會失禮啦!出街做Facial搵啱個夾到你嘅技師好重要,如果你仲未搵到,不妨上我哋個平台搵番個,等幾位有信譽嘅專業美容師向你提供相關資料同報價!除咗Facial之外,按摩、美甲都有!
5)我仲要……
其實,無論在過年前或者過年期間,你在生活上遇到乜嘢奇難雜症,都可以上HelloToby望望,睇下有乜專家可以幫到你。一般嘅鋪頭可能會收爐收鋪,但我哋HelloToby平台上嘅專家係隨時Standby,無論係舊年新年猴年雞年,都準備好為你報價同提供最好服務!咁你就可以心想事成、萬事勝意啦!
——
——
除咗以上呢幾樣服務,我哋個平台仲有好多專家,可以在各方各面幫到你手㗎!即上我哋嘅免費平台啦!
你係專家,想加入HelloToby平台搵新客戶?可即按此。
緊貼HelloToby Blog同Facebook Page,隨時搵 Toby 幫手!