情人節就嚟到，食飯送花送禮物製造情人節驚喜當然唔少得。而當中最難諗嘅，相信非「送禮物」莫屬，不過今年唔使頭痕啦～HelloToby整合咗各類情人節禮物，為你提供【情人節禮物攻略】，有送俾女朋友嘅心思禮物，有送俾男朋友嘅實用禮物(仲有獨家優惠!)，無論你係男朋友定女朋友、學生定打工仔、Budget多定少、想DIY定俾錢買，我哋都會為你一一推薦！唔講咁多啦，即刻睇下邊樣啱（佢）心水，俾個情人節驚喜另一半啦！
細細聲講多句：我哋仲有情人節禮物工作坊獨家優惠！邀請另一半同你一齊去整手作禮物都係個唔錯嘅選擇～想知更多詳情？繼續睇！
情人節禮物推薦
Budget少之選－－經濟又浪漫篇
買禮物唔一定要買貴嘢，畢竟情人節禮物其實都係講求一份心意，即使係較平價嘅禮物都可以好浪漫，博得另一半一笑！
不過即使係平價禮物，亦都要經過精心挑選，所以我哋為你精選咗5樣經濟又浪漫(仲好實用!)嘅情人節禮物，絕對係學生情人節禮物之選，亦都非常適合一眾初出茅蘆嘅打工仔或者係努力儲梗錢嘅你！
Budget: ～HKD100-500
1. 小型藍芽喇叭
另一半鍾意聽歌？不如買個小型藍芽喇叭俾佢，等佢喺屋企時唔使戴耳機都可以享受音樂啦！
唔好以為藍芽喇叭就一定好貴，如果唔係對音響、音色等等特別有要求的話，其實幾百蚊就可以買到一個質素唔錯嘅藍芽喇叭。如果係送俾女朋友，可以由外形入手，揀一啲外形靚、襯返房間環境嘅喇叭；而如果送俾男朋友，可以從實用性方面著手，例如係音響+鬧鐘功能結合。以下就為你介紹幾款價格較比宜嘅藍芽喇叭啦！
–Aspirations D80 木質喇叭－外形偏型格風，支援HDMI, RCA, 藍芽。價錢約為$460。(PRICE.COM)
–skitoz – Q1Max – 蘑菇形狀，偏可愛風，配有皮革收藏盒，產地為台灣。價錢減價後約為$280。(HKTVMALL)
–Sony SRS-XB10 – 外形細小實用，有多色選擇，更具有防水濺功能。價錢約為$540 。(SONY.COM)
2. 保鮮玫瑰花燈 (工作坊)
平時街邊見到嘅枱頭燈多數無咩特別，設計特別嘅價錢亦非常昂貴。如果可以自己親手整一盞燈送俾對方，等對方每日返到屋企就好似「見燈如見人」其實都幾Sweet㗎～
仲有，情人節送花唔一定要送鮮花，可以送保鮮花！而將保鮮花同燈結合，成為一盞浪漫嘅保鮮玫瑰花燈…相信任何女仔收到都會覺得好開心！
Garden Fairy推出咗保鮮玫瑰花燈工作坊，等你可以將玫瑰花變成你佢嘅愛一樣永久保鮮，你可以選擇自己偷偷哋去參加俾個驚喜佢，或係同另一半一齊整創造甜蜜回憶～依加經HelloToby報名仲有獨家8折優惠㖭！
***工作坊價錢：原價$580，Toby獨家優惠$464
***其他詳情可以參考：【獨家優惠】Garden Fairy 保鮮玫瑰花班工作坊
↓未諗到情人節去邊？等我哋幫你手啦！↓
情侶活動2019
3. 情侶手鐲／刻名手鐲
情人節送情侶物品就啱哂，唔想咁高調用情侶Case、著情侶衫嘅話，可以考慮買一對款式低調嘅情侶手鐲。（只要揀得啱，男仔戴一啲都唔「娘」，亦唔會老套！）
你可以考慮買鈦鋼手鐲，價錢比較相宜，一般幾百蚊就有一對；如果覺得另一半唔襯戴鋼材手鐲，亦可考慮皮革手帶或手繩，感覺會較為casual。
當然，唔係個個男士都鍾意戴飾物，你可以選擇只買一隻手鐲刻上女朋友個名，收到一定好冧！好似呢隻玫瑰金手鐲(圖右)咁，價錢約為$450，出自Daniel Wellington，無論外形、顏色定材質都非常高質！
4. 自訂Power Bank
講到經濟又實惠嘅禮物，又點少得Power Bank？當然，唔係求求其其買個無咩特別嘅Powerbank，而係自訂－自己設計充電器上嘅圖案、文字、顏色等等（仲可以做情侶Power bank！），價錢一般由$150至$300不等。
↓情人節想影靚相打卡？我哋幫你搵好哂地方啦！↓
情人節打卡熱點
Budget多之選－－貴價實用篇
如果你有較多Budget，想喺今個情人節俾個大驚喜另一半，可以參考以下情人節禮物推介：
Budget: ～HKD500以上
5. 手錶
手錶喺情人節禮物排行榜中一定佔一席位，因為既實用又浪漫(時時刻刻戴住你送嘅嘢，一望時間就諗起你!)。
比較熱門、唔算非常昂貴嘅手錶牌子有以下幾款，DW同Olivia Burton價錢$1,000至$2,000左右，Armani就較貴大約$2,500-$4,000視乎不同型號。另外Casio亦係男士手錶嘅熱門牌子，適合較Sporty嘅男士們～
女士：Olivia Burton, Daniel Wellington, Armani
男士：Armani, Casio, Daniel Wellington
以上牌子嘅手錶喺香港都有分店或零售店，你可以選擇去門市購買或上網購買，不過如果網上款式需要訂貨，咁就要留意可唔可以喺2月14日前到貨啦！
P.S. 對有牌子嘅錶冇興趣？可以參加押花錶工作坊！
自己/同另一半一齊整一隻獨一無二嘅手錶～依加喺HelloToby上報名仲有8折優惠！
押花錶工作坊簡介：戴著另一半親手做嘅押花錶，就好似每天捧在手心的寵愛。珍惜分秒，珍惜擦身而過的每次相遇。在這個城市裡，昂貴的手錶很多，但花時間在重視的人身上，這份心思更是珍貴。
***小物館押花錶工作坊價錢：原價$268，Toby優惠價216.4
***其他詳情請參考：【獨家優惠】小物館 押花錶工作坊
6. 藍芽無線耳機
自從Airpod推出之後愈嚟愈多人用藍芽耳機，貪佢無線夠方便之餘戴起上嚟亦有型有款。不過藍芽耳機愈出愈多，點揀先至好？依加就介紹兩款高質無線耳機俾你，外型靚之餘音質亦非常高質！
（較適合女士）B&O Beoplay E8 －無線入耳式耳機，擁有Bang & Olufsen Signature Sound標誌性嘅高質音色，配合觸碰介面，你可以輕鬆操控音樂、來電同語音指令。顏色有：黑色、粉紅(限量版)、軍綠(限量版)、藍色、灰色等。售價約為$2,698。
（較適合男士）Bose SoundSport Free－無線耳塞式耳機，外型較Sporty，設計亦適合運動時使用，汗水並不會影響耳機運作。顏色包括：橙色、藍色、黑色、紫色。售價約為$1,799。
7. 情人節寶麗萊攝影工作坊－難忘體驗
呢份禮物有別於其他，並唔係一方買另一方收，而係買完之後一齊去體驗！
依加唔少女仔都鍾意影相，包括即影即有，即影即有特別之處在於用佢影嘅相比數碼相機/智能手機影出嚟嘅相更為真實。手機影相，你可以影一百張再揀一張，加上filter、PS、effect，最後張相已唔係當初你影時所見到嘅畫面。
而即影即有就可以真實捕捉最浪漫時光 — 只屬於彼此嘅最浪漫一刻！
今年Instant Tours Hong Kong 推出情人節寶麗萊攝影工作坊，唔單止會有攝影師幫你同另一半影靚相，仲會教埋你拍攝技巧，令你影到靚相同時，同另一半有個難忘體驗！
工作坊內容包括：借用一部即影即有相機及2盒菲林，可免費升級至特別版金屬紅邊菲林（數量有限，先到先得），專業攝影師指導的拍攝技巧。
***價錢：原價$1,150，Toby獨家7折優惠二人同行只需$800
***詳情可以參考：【獨家7折優惠】情人節寶麗萊攝影工作坊
↓更多工作坊獨家優惠↓
情人節禮物工作坊
8. 其他電子用品－PS4 Pro/Switch/相機
如果另一半鍾意打機，不妨買部遊戲機俾佢，收到一定好Surprise！如果可以同埋佢一齊打機，咁就更加Sweet啦～
－PS4 Pro: 價錢約$2,700-$3,400
－Switch: 約$2,100至$2,600
而如果你係買俾女朋友，但女朋友唔鍾意打機嘅話，可以選擇買相機，去旅行用又得，出街拍拖影相亦得～以下呢兩款相機性價比幾高㗎：
－NIKON COOLPIX A900－外型小巧，擁有2030萬有效像素，具35倍光學變焦及WIFI及藍芽連接功能。價錢約$3,980。
－FUJIFILM富士 XF10－體積小巧輕盈，重280g，具2400萬像數及18.5mm廣角鏡頭，並支援觸控式操作，有無線傳輸功能。價錢約$4,250-4,480
兩款都夠輕適合旅行使用。而且可以無線連接電話，影完可以即刻過相，再Post上IG同朋友分享靚相！
9. 其他電器－風筒／直髮／曲髮夾
其他比較實用嘅禮物好似風筒、直髮夾就會比較適合女士們，各位男士快啲趁機會買俾平時唔捨得自己買嘅女朋友們啦！
Dyson風筒－多種型號，建議購買前先去官網睇下相關功能特性，價錢$3,000起。
直髮／曲髮夾－低至幾百蚊貴至過千蚊都有，視乎功能及特性，建議男士們根據女友髮質去選擇，亦可以買既有曲髮功能又有直髮功能嘅二合人造型器。推介品牌：Amika、GHD (價錢$1,500起）
↓未諗到情人節去邊？我哋幫你準備好啦！↓
情侶活動2019
難忘體驗－－情人節禮物工作坊
頭先介紹過幾個情人節禮物工作坊，依加再介紹多幾個俾你！
10. 保鮮花木製字母燈工作坊
呢個咁靚嘅字母燈係嚟自Myosotis Flower舉辦嘅保鮮花木製字母燈工作坊～
參加者可以自行選擇由木製成嘅字母，而導師會教你配搭唔同色系嘅保鮮花，再加上點點燈光，令整個成品變得非常浪漫溫暖！
保鮮花由鮮花製成，保存得好可以存放最多3年，非常適合作為房間嘅裝飾物！
***工作坊價錢：原價$800，Toby獨家優惠價$640
***詳情請參考：【獨家優惠】Myosotis Flower Workshop 保鮮花木製字母燈
11. 經典高身圓頂玻璃音樂盒 Workshops
送音樂盒非常浪漫，如果係送自己親手製作嘅禮物盒就更係浪漫滿分！
小物館嘅圓頂玻璃音樂盒工作坊，可以俾你或你同伴侶一齊喺導師指導下，親手以玻璃碎片同LED燈佈置製作音樂盒，而且係香港罕見嘅高身圓頂玻璃音樂盒！
經典高貴嘅玻璃造型，加上上鏈原木音樂盒，讓你同另一半隨著旋律旋轉起舞，散發甜蜜愛意♥
***工作坊價錢：原價$498，HelloToby優惠價$398.4
***其他詳情請參考：【獨家優惠】小物館 經典高身圓頂玻璃音樂盒工作坊
12. Garden Fairy 情人節工作坊 －人名衣架／木雕剪影燈
想無時無刻都咁「掛住」佢？想你哋永遠都恩愛到好似木雕燈咁閃住其他人？
Garden Fairy唔止推出保鮮花燈工作坊，仲有人名衣架同木雕燈，兩樣手作禮物都非常特別又有心思（仲好浪漫）。
木雕燈的4面可以雕出紀念日日期、名字、心意句子、圖案剪影，有需要仲可以係木座箱刻字，又或者自己添上色彩。成為屬於您哋、充滿回憶的木雕燈。
而人名衣架就代表送「愛·掛住」衣架俾至愛，有掛念、掛住嘅意思。立即送個俾至愛，等佢知你有幾咁掛住佢，又或者提醒佢要掛住你！
每個工作坊都有其個別時段，你想參加哂3個都得！
***工作坊價錢：
－人名衣架－原價$260，Toby優惠價$208
－木雕燈－原價$680，Toby優惠價$544***詳情可以參考：
－【獨家優惠】Garden Fairy D.I.Y.人名衣架工作坊
－【獨家優惠】Garden Fairy 木雕燈工作坊
*所有工作坊報名日期由1月28日開始，大家可以Bookmark定密切留意我哋最新動態！↓更多工作坊獨家優惠↓
情人節禮物工作坊心思滿分－－低成本DIY手作禮物篇
除咗工作坊手作禮物之外，亦可以自己買材料自己整禮物，以下呢兩款禮物有易有難，但都心思爆棚！
13. 紀念相冊／爆炸盒
圖片來源：igift.tw 呢款爆炸盒可以稱為「情人節禮物盒」，外表係一個禮物盒，當一拆開就會有一種爆炸效果，而裡面全部都係精心炮製嘅機關同你哋嘅回憶！
呢款DIY禮物嘅材料只需要相、紙、卡紙、絲帶等等，成本低，不過就需要好多時間同心機！相信另一半收到呢個自己親手製作嘅禮物一定會好感動～
爆炸盒教學：爆炸盒基底+各種機關教學
14. DIY糖果筒／朱古力筒
圖片來源：pinkoi.com 如果打算情人節送朱古力，不妨令禮物變得更有心思同創意，收到嘅人都會特別開心！
材料同所需時間較爆炸盒少，適合忙碌一族們～
糖果筒教學：創意糖果筒 DIY
情人節禮物準備好－ 咁情人節去邊好？
【情人節活動2019】－HelloToby已為你搜羅好一系列情人節情侶活動，仲未諗到去邊嘅你仲唔快啲Click入去攞下靈感？
除咗情人節之外，我哋仲會為大家全香港唔同類型嘅娛樂活動資訊，等你可以時刻緊貼最新娛樂情報！唔止咁，Toby仲會不定期推出限時獨家優惠，種類包羅萬有，唔想錯過嘅你記得download HelloToby App或者Bookmark我哋啦！
——
延伸閱讀：HelloToby全港娛樂活動指南 為你緊貼最新娛樂活動資訊
延伸閱讀：【男士福音】2019香港情人節拍拖好去處
延伸閱讀：【 情人節送咩好 】8個收到必有驚喜的情人節DIY手工禮物
緊貼HelloToby Blog同Facebook Page，隨時搵HelloToby幫手！
