日本 一直都係香港人熱門假日好去處，遇著 日本平機票 同long weekend，隨時都可以飛一轉 東京 。宜家去旅行唔一定要揹住本旅行書周圍去，有電話有網絡，加上以下這些專為日本旅客而設的app， 自由行 就更輕鬆！唔想跟團去 日本旅遊 ，但自由行又驚溝通唔倒、揾唔倒路？HelloToby 特別邀請到 Travelliker 爲你介紹十個必備遊日app！
1） Jorudan 乗換案内 — 日本交通 一目了然
日本地圖複雜 ，日本交通線路更複雜。除非你 自駕遊 或者跟 旅行團，否則都一定經歷過揾車、揾地鐵嘅煩惱。Jorudan 乗換案内有齊鐵路、飛機同巴士嘅資料。雖然界面係日文，但只靠漢字辨認站名都唔會太難。只要你locate倒目的地，個app就可以幫你列出所有資訊，連去邊個月臺、轉車資料、車費同車程時間等等都幫你計算清楚。
2） MapFan — 離綫 日本地圖
MapFan 有完整 日本地圖 ，方便遊客揾 日本旅遊景點。呢個app嘅好處就係可以離綫使用，隨時隨地輸入目的地或者酒店名稱，隨時都用倒又唔怕好似google maps咁chur data。
3） 日本旅遊手指通 — 輕鬆講 日文
雖然識英文或者國語都足以去日本旅行，但如果你唔係去主要城市，唔識用 日文 溝通可能係大問題。呢個app嘅設計簡單易用，收錄左各種實用旅行用語，仲分類埋交通、駕車、餐飲等類別。只要你輕搖一下就可以播放語音，同當地人交流基本上都無問題。
如果你想操得一口流利日文，去旅行時同當地人交流，你可以考慮揾日文導師上堂。
4） Scanner with OCR — 即時 日文翻譯
以上嘅app可以幫你應付日常會話，但萬一有餐牌或者其它全日文嘅指示睇唔明點算？只要用呢個app 影低段文字，就可以好似scanner咁將圖片中嘅文字抽出黎並且翻譯。有左呢個app，就唔駛逐個日文字打出黎翻譯啦。
有工作需要要長時間用日文溝通？除左靠app之外，如果你有文件需要翻譯，或者需要日文即時傳譯，HelloToby都有專業 日文翻譯員推介。即刻睇下HelloToby爲你預備嘅日文翻譯價格資訊！
5） Tabelog食べログ — 日本餐廳 大全
Tabelog就好似日本版Openrice咁，用戶接近3000萬，食評高達300萬篇。除左提供附近餐廳位置，仲可以睇倒其它客人嘅評價同照片。Tabelog每年都會頒發50個Restaurant Awards比日本各地出色嘅餐廳，你可以參考下得獎餐廳名單。至於其它餐廳，如果評價有3.5分就代表唔錯，高達4.5分就非試不可啦！只需要用Line、Facebook或者Google account登入就可以使用。
6） Japan Connected-free Wi-Fi — Wifi蛋 以外的選擇
只要用呢個app一search，就會顯示曬附近嘅wi-fi熱點比你選擇，到達熱點後再點選Connect就成功連綫，非常方便。注意使用前要用Facebook或者其他賬號注冊左先用倒。Download左呢個App就可以隨時隨地上網post相，唔駛擔心用爆data。
7） 週刊Jalan — 日本旅遊 必備
呢本免費周刊會定期更新旅遊情報，而且每個景點都有地圖功能，方便遊客揾路。你仲可以將想去嘅地方save落我的最愛之後再揾返。如果你打算 自由行， 不妨用呢個app睇下有咩地方可以參觀，plan下行程。
8） XE Currency — 即時查詢 日元匯率
除左 日本平機票 之外，另一樣香港人最關心嘅野一定係 日元對港元匯率 。Shopping嘅時候可以即時打開呢個app轉換銀碼，唔駛下下開browser google search咁麻煩。除左日元同港幣外仲有其它外幣選擇，你可以隨時自訂更新，切合工作同旅遊需要。
9） コンビニ情報 — 日本便利店 情報
有啲日本達人會話日本便利店連三文治都好食過人。日本便利店偶爾仲有得用印花換限量版禮物添！呢個情報app專門幫你揾出日本各大便利店嘅位置，仲可以搜尋佢地賣緊嘅貨物，順便睇下最熱門商品排行榜。便利店包括Lawson、FamilyMart、MiniStop等，夜晚肚餓揾宵夜都好容易啦！
10） 週刊じゃらん — 日本民宿 日本酒店 資訊
Apps版本嘅週刊じゃらん推薦 日本旅遊景點 之外，亦有 酒店 同 民宿 資料比你參考。一個app就可以plan曬景點同住宿，仲可以即時落埋booking，最適合臨急臨忙出發，plan唔切行程嘅你。除此之外，週刊仲有其它活動嘅推介同情報，去到當地先揾景點都無問題。
你已經係日本通，想揾日文學生，做日文翻譯 ？加入 HelloToby 平台搵新客戶啦！
>>> 【 HelloToby 專家攻略】報價必勝法！贏在起跑線的7秒鐘 <<<
——
相關閱讀：【 如何學好日文？】 學日文好難： 自學日文 VS 日語課程
緊貼HelloToby Blog同Facebook Page，隨時搵HelloToby幫手！
