香港嘅打工一族工時長，壓力又大，所以近年多咗人轉 做Freelancer （ 自由工作者 ），工作時間夠彈性之餘，又可以自己話事，唔使下下受老闆氣（不過都要受下客人氣嘅）。然而， Freelancer 雖然冇明確嘅入行門檻，但其實未必人人都可勝任！想要 做Freelencer 搵外快 、 接Job ？即刻問問自己以下8大問題，睇下自己適唔適合 接Freelance 啦！
1） 你有一技之長嗎？
做得 Freelancer ，最重要梗係要有番一技之長啦！無論你係做外語教師、影片製作定設計，最好有番至少1 – 2年嘅相關工作經驗，如果擁有獲認可嘅資格證明就更理想嘞！譬如曾修讀相關課程、持有牌照或專業資格，又或者喺公開試獲取佳績，先可以俾人專業可靠嘅感覺，放心將工作交俾你。
你有專業技能，但唔知點樣同人報價 接Freelance ？ HelloToby 幫你諗多一步，已經幫你準備好相關咁 Freelance攻略 ！
【 Freelance攻略 】 自由工作者 Freelance報價 基本步
2） 你可以長時間單獨工作嗎？
無論你係做乜行業都好，平時都有唔少機會同其他同事合作，共同分擔工作，遇到唔明嘅地方又可以討論，互相發問。除咗同事仲有上司，會有工作指示俾你，亦會監察你工作進度同表現。
但 做Freelance 講求事事親力親為，報價、見客、聯絡、管數樣樣嘢都要自己一腳踢，冇人可以幫你亦冇人可以商討。如果你早己習慣單獨工作，咁要應付 Freelance工作 相信都冇乜問題。但如果你倚賴性高、性格不夠獨立的話，就要三思了。
3） 你夠自律嗎？
唔好以為 Freelancer 做嘢「無王管」好爽，其實好講求時間管理同自制能力。好多時客人 搵Freelancer 幫手都係急件，梗係想搵個準時交貨嘅 Freelancer 。想同客人建立長期合作關係，就唔可以下下臨急抱佛腳，又或者過咗死線都唔交貨。如果你有拖延嘅毛病，咁 做Freelancer 就未必適合你。
想要成為一個成功嘅Freelencer？ HelloToby 話俾你知 做Freelance 嘅10大貼士 ！
4） 你係一個對工作有要求嘅人嗎？
正如前文所講，做得Freelancer一定要有自制能力，唔好諗住 Hea做。 Freelancer 唔單止樣樣嘢都自己要親力親為，仲要做得好、令客人滿意，至能確保收到酬勞同埋工作長做長有。如果喺工作上有乜錯漏，唔會有人幫你檢查或補飛，全部都要自己一力承擔。所以 Freelancer 絕不能做事馬馬虎，工作質素乜要有保證，之後先可以容易接到Job。呢個係成為 自由工作者 獲得極大自由度嘅同時，需要付出嘅代價。
5） 你已建有可靠人際網絡嗎？
要做成功嘅 Freelancer ，最重要嘅就係同客人建立關係，建立固定客源。最理想就係，你返Full-time時憑工作表現儲起一班相熟客人，咁轉 做Freelance 時，接到Job嘅機會都自然高啲。有時客人相信你嘅能力，更會向朋友或者其他客人推介，所以建立可靠人際網絡對日後Freelance工作絕對重要。
想要進一步拓寬自己嘅市場，尋找更多嘅潛在客人，做Freelance 接Job ？ 快啲嚟 HelloToby 註冊啦！
>>> 【 HelloToby 專家全攻略】如何註冊成為專家 + 如何報價 <<<
6） 你有一定嘅溝通同談判技巧嗎？
做Freelancer其中最大嘅難題就係要不時同客戶溝通談判。你要學識點樣推銷自己，了解客戶所需，打好關係。此外，Freelancer被壓價絕不稀奇，有時客人提出嘅交貨期限太趕，又或者有唔合理嘅要求，你識唔識得為自己爭取合理報酬同待遇就好重要！你可能覺得為咗吸客，蝕底少少唔緊要，不過長遠落去你會做得好辛苦，所以做得Freelancer就唔可以怕同人據理力爭。
想要知道唔同工作 Freelance報價 嘅大約範圍？ HelloToby 準備咗唔同工作種類嘅收費指南，你可以去我哋網站了解下，作為參考！
7） 你有一定經濟基礎嗎？
你或會想轉做 全職Freelancer ，但一開始客源未穩定，唔係成日都接到Job，收入唔穩定之餘，再加上一般 Freelance工作 都係客戶先付訂金，完成工作後至俾餘額，所以唔會個個月都準時出糧。你可能唔介意暫時賺少啲，但 Freelancer 亦不時需要自我投資，譬如購買最新嘅電腦軟件、工具設備，甚至報讀進修課程，所以最好都係儲番一定嘅資本至開始做Freelance，生活至有保障。
如果你只係想靠Freelance 賺外快 ，儲多個錢，咁對經濟基礎就冇咁高要求嘞！你可以睇睇 2018 香港10大 搵錢 Freelance 工作 ，開始你嘅外快炒散之旅！
8） 做Freelancer 前，諗諗你能忍受唔穩定嘅生活嗎？
如果轉得做 全職Freelance ，就唔能指望可以每日朝9晚5準時返工放工。 Freelancer 隨時會收到客人急Call，周末同公眾假期工作亦係家常便飯，如果工作量大，又或者時間管理做得唔好，分分鐘要晚晚通頂日日趕工，搞不好連放假抖下嘅時間都冇。升職加薪同醫療福利更唔使講。撫心自問，你能否忍受咁唔穩定嘅生活？如果你都係鍾意準時出糧、定期放假休息嘅生活模式，咁Freelance就唔多適合你了。
唔知睇完上面8條問題之後，你成為Freelancer嘅決心係唔係仲係咁堅定呢？其實無論你係大學生想搵下補習外快、Freelancer想工餘時接下兼職Job、定係中小企想拓展客源， HelloToby 都可以助你一臂之力，輕鬆搵到更多生意！馬上註冊成為 HelloToby 專家開始報價接單！
>>> 【 HelloToby 專家攻略】報價必勝法！贏在起跑線的7秒鐘 <<<
——
延伸閱讀：【 Slash 不是廢青】香港10大傑出青年 Slash 版
延伸閱讀：【Slash Queen 陳珍妮】自由工作致勝攻略：做 Slash 一樣搵到錢買樓
緊貼HelloToby Blog同Facebook Page，隨時搵HelloToby幫手！
