【 搵外快 必讀】2018 香港10大 Freelance 工作,可以搵幾多錢?

我哋呢班打工仔,好多時打份工都係為生活,希望有日可以儲夠錢去追求理想……但份糧只夠自己使,永遠儲唔到錢,無論想買樓定想發圍做生意都冇本,未來似乎無展望?一份好嘅 Freelance工作 ,可以幫你有「第二收入」,助你有望早日儲到錢,擺脫「返工等放工,放工就搵工」嘅循環! HelloToby 就列舉香港10大熱門 Freelance 工作嘅價位同優缺點,唔知你又啱做幾邊份?

1) 網上教外語

而家好多人會係網上嘅語言學校登記做老師,然後就用Skype之類嘅溝通軟件教學,時間夠彈性。教授中文嘅薪金因經驗而定,一般係網上語言學校 學習中文 ,一小時約 US$20 – $30,老師往往要畀介紹費用網站,但如果同學生關係Keep得好,不失為長遠嘅 Freelance工作 收入來源。

(溫馨提示:上我哋平台搵各種語言課程老師,係完全免費㗎!你都可以喺 HelloToby 登記成為語言導師,搵到更多潛在學生。)

即搵語言導師

 

2) 資料輸入

呢類工作通常就係睇住文件或透過聆聽, 輸入資料 到電腦,如果你自問打字夠快又夠準,資料輸入呢份Freelance就啱你喇。你可以選擇返Office輸入嘅類型,一般時薪約 $60 – $80;而如果你想時間更彈性,對自己打字能力又有信心,咁不如接一啲按件收費、 在家工作 嘅 打字Freelance ,例如係打字幕或逐字稿,輸入一段1小時影片嘅字幕,可以收取 $1,000以上(當然你要識得用相關軟件啦),而1小時錄音嘅逐字稿,亦可收取 $500以上。

打字員在家工作

 

3) Freelance 翻譯

翻譯工作係最常見嘅 在家兼職 之一,最常見嘅一般 中英文互譯 ,好多香港人都可以應付得到。英譯中嘅費用一般較平,以來稿計每字約 $0.5 – $1 ,而中譯英參考價錢就係每字 $0.8 – $1.5,如果係某啲專業範疇例如法律、學術,收費就可以更貴。

(溫馨提示:上我哋平台搵人翻譯,係完全免費㗎!你都可以想善用自己嘅翻譯能力,接多啲 翻譯Freelance,可以喺 HelloToby 登記,搵到更多潛在客戶。)

即搵 翻譯專家

>>> 【 HelloToby 專家全攻略】如何註冊成為專家 + 如何報價 <<<

 

4) 美術設計

美術設計又係巿面有大量Freelance嘅工種,但平面設計嘅酬勞算係比較「海鮮價」。如果工作較難拆件計,大家可以自己預計完稿所需時間,以作開價,例如每小時 $300,預計要做3小時,就開價 $900。而容易量化嘅工作如排版工作,可以收取每頁 $120以上。

在家兼職

想要搵美術設計? HelloToby 有各種專業設計專家可以幫到你!

即搵 設計師

 

5) 寫稿

文字唔值錢?而家係網絡世界,好多網站需要不斷有新嘅內容,以提高網站能見度,反而造就好多 內容寫作 嘅Freelance。呢類freelance writer 收費通常都係按篇計算,收費大約係每字 $0.3 – $1。當然,如果你係 KOL 或真正名家,寫稿嘅收入都可以唔錯,例如某啲專欄作家,係收取每字 $10以上㗎。如果你文筆有咁上下,做寫手係唔錯嘅 Freelance工作 。

 

6) 影片製作

拍攝影片又係另一熱門Freelance,因為呢個行業已經算係Freelance性質主導!而家連未畢業嘅學生都接到大量工作,行業其實缺人,剪接一條片長1、2分鐘左右的影片,價位約 $1,000 – $2,000 ,如果是全套拍攝製作,價位則可以過萬。

在家工作

HelloToby 已經幫你準備好 影片製作拍攝人入行指南 ,有興趣喺呢行 搵兼職 、 搵Freelance 嘅你記得睇睇!另外,如果你想搵人幫手拍片,可以即上我哋平台!

即搵 影片拍攝製作

>>> 【專家攻略】 Freelance工作者報價基本步 <<<

 

7) 送外賣

如果你有電單車牌,同時又鍾意風馳電掣,送外賣可以係你另一份 Freelance job 、 炒散 嘅選擇。一般駕車送外賣嘅工作,時薪都會在 $60以上,有部分公司甚至會有每單嘅津貼,例如每單加 $5,多送收入就更高。

 

8) 飲食樓面炒散

如果冇乜特別技能,做下飲食業嘅散工其實都都係一條Freelance出路。一般餐廳侍應時薪而家都會有 $40以上;如果喺酒店工作,時薪可以有 $70甚至破百。巿面雖然有好多App幫你搵樓面炒散類工作,但最好你都係搵到個好嘅「蛇頭」,咁工作量就比較穩定喇。呢種工作嘅另一好處,就係好多時可以現金出糧。

 

9) 樂器導師

苦練樂器多年,教授樂器係好多人嘅Freelance途徑之一。做得樂器導師,每小時收入起碼都 $100起跳,收入視乎學生級別而定。以鋼琴為例,學習8級鋼琴嘅學費每小時可達 $500。但如果老師在琴行掛單,琴行一般會拆走 50%學費;如果你想教樂器,最好就係快啲建立關係網,自立門戶喇。

網上工作

記得喺 HelloToby 登記成為樂器導師,輕鬆搵到你嘅新客源!如果你想學樂器,都可以喺我哋平台睇睇!

即搵 樂器導師

 

10) 馬會

因為不需要特別技能而薪金較高,糧準又穩定,馬會係好多 Freelancer 嘅選擇之一。喺馬會兼職主要分兩種,一種係 電話投注助理,一種就係 分行服務助理。電話投注如果係廣東話組,現在時薪有 $55,分行服務助理就有時薪 $59。

 

HelloToby 作為一站式網上平台,有超過700種服務嘅專家同 Freelancer !你絕對可以輕鬆搵到合適嘅專家!

想成為HelloToby嘅服務專家,搵更多客戶?立即免費加入,開始你嘅 Freelance工作 !

免費註冊為專家

>> 【 HelloToby 專家攻略】報價必勝法!贏在起跑線的7秒鐘 <<<

>> 【 提升信貸評級 】 環聯信貸報告 必須認識的7大要點 <<<

——

相關閱讀:【搵外快必讀】你適合 做Freelancer 嗎?8大問題自我測試

相關閱讀:【搵外快必讀】做 Freelance 的10大貼士

緊貼HelloToby BlogFacebook Page,隨時搵HelloToby幫手!

ADVERTISEMENT

Leave a Reply

Your email address will not be published. Required fields are marked *