【 台北好去處 】精選 台北夜市 八大必試美食

如果你鍾意掃街,去到台灣就一定唔可以錯過 夜市 啦!CNN曾經列出過台灣比其它國家厲害嘅十件事,其中一樣就係 台灣夜市 。夜市通常會集合小食、飲品、雜貨、服裝等產品,至於台灣最出名嘅就當然係 珍珠奶茶 、 蔥抓餅 、 鹹酥雞 、 蚵仔煎 等地道食物了。去到台北,除左大路西門町夜市 ,你仲知唔知有咩夜市好去?去到台北夜市有咩係必試?即刻睇下 HelloToby 為你搜羅 台北夜市 啦!

1) 公館夜市

1. 麻油麵線

小編推薦嘅麻油麵線位於台北羅斯福路四段108巷(公館夜市第三條),一碗麻油麵線加蛋都只係 TWD$40(約HKD$10.2)。麵線攤檔位置唔算起眼,而且對面就係 台北夜市 霸主—地瓜球,所以唔係太多人留意倒小店,就咁錯過左CP值高又好好食嘅麻油麵線同藥燉排骨!麵線湯頭好香麻油味,麵線唔會煮到爛,最適合冬天宵夜食返碗暖肚!

台北夜市

 

2. 匡記涼麵

位於台北羅斯福路四段138-2號(公館夜市第二條)嘅匡記以酷搖麵聞名,大碗都只係TWD$55(約HKD$14)。匡記店員好有活力,一行入去就感受到滿滿嘅朝氣。酷搖麵算係匡記招牌,特製嘅淋醬味道好特別,融合和風醬嘅微酸同芝麻嘅香味。佢地將麵、黃瓜、醬汁等等全部裝入塑膠杯裡面,好似薯條咁搖勻就食得。

 

3. 蔬菜大蛋餅

如果嫌麵線太飽,公館夜市都有好多小食任君選擇,其中一個就係位於台北市羅斯福路四段90巷(公館夜市第三條)嘅蔬菜大蛋餅。小編最愛就係TWD$55(約HKD$14)嘅粟米蔬菜大蛋餅,外層蛋皮酥脆,包住大量高麗菜同香甜粟米,仲會淋上鹹鹹甜甜嘅油膏,入口清爽又唔會太單調。

 

2) 台北夜市 溫州街

1. 蛋蛋屋

蛋蛋屋位於新生南路三段76巷10號之2,隱藏喺巷弄間,仲要走入一個窄小嘅門道先搵倒,可以話係隱世小店。特別推薦莎莎醬雞腿,TWD$110(約HKD$28)份量雖然唔大,但餐點都算精緻。莎莎醬酸酸辣辣,十分開胃,同鮮嫩嘅肉質好夾,雞皮都煎得好酥脆,焦香氣息令人胃口大開!咁神秘嘅暗巷裡面竟然藏住咁特別嘅美食,值得一試!

夜市介紹

 

2. 瑪莉珍披薩

瑪莉珍披薩主要做薄皮披薩,位於溫州街89號,從店面裝修到餐點設計都相當有異國風情。據說外國人比較鍾意食純cheese披薩,但一般連鎖披薩店都無賣。小編特別推薦鄉村俱樂部,以白醬作為pizza塗醬基底,鋪好幾層起司同馬鈴薯薄片之後,再撒上香嫩雞丁上菜。餅皮部分焗得非常酥脆,味道唔會太鹹。

師大夜市

 

3. 阿英滷肉飯

位於溫州街74巷5弄1號,台大無人不知嘅滷肉飯名店,相信唔駛小編多講。必點嘅係中瘋滷肉飯,大碗都只係TWD$80(HKD$20)。

公館夜市

 

3) 社科院

1. 蘇草

小編幾星期前第一次去蘇草,就被店內舒適嘅環境同精緻嘅餐點深深吸引!餐廳位於辛亥路二段209號,只要一到食飯時間,蘇草都會大爆滿,如果無訂位隨時會撲空。小編推薦瑪格麗特與歐姆蛋pizza,價錢都算合理,一份TWD$180(約HKD$46)。帕里尼嘅內餡層次豐富,但side dish嘅薯條同沙律就可圈可點。整體黎講蘇草嘅食物質素都唔差,精緻得黎都飽肚!

士林夜市

 

2. 熊派坊

熊派坊位於復興南路二段344號,除左性價比高外,老闆娘嘅服務態度都值得欣賞。之前小編試過熊派坊嘅早午餐總匯,有齊滿滿嘅配料、紮實嘅多士口感,同埋清爽嘅生菜沙拉。另外朱古力雪糕鬆餅手工都唔馬虎,份量超大都唔駛 TWD$200(約HKD$51),出面買鬆餅、蜜糖多士都唔只啦,學生仲有額外優惠添!特別推介歐風手作鮮奶吐司,味道香甜,只賣TWD$75(約HKD$19)。

 

聽完之後係咪心思思想飛轉台北呢?台灣仲有好多夜市同隱世小店等你發掘!

 

準備去旅行?即刻上 HelloToby 揾旅遊顧問啦!

即搵旅遊顧問  

你係旅遊顧問 ?加入 HelloToby 平台搵新客戶啦!

免費註冊為專家 

>>> 【 HelloToby 專家攻略】報價必勝法!贏在起跑線的7秒鐘 <<<

——

相關閱讀:【 台北美食推薦 】 7間 台北必食 輕食 小店

相關閱讀:【學好 普通話 】5大秘訣幫你更快掌握流暢 普通話

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *