【趁暑假搵外快】今夏8大必搶最筍 暑期工 2017

一到暑假,唔少學生都會趁機搵 暑期工 ,既可賺外快又可增加工作經驗。不過,最常見嘅餐飲業同零售業 暑期工 ,工時長又辛苦,唔係個個都應付得嚟。HelloToby就為大家搜羅咗近排8大類暑期工筍工,俾大家參考下!

 

1)兼職會計文員

想試下返寫字樓做文職工作嘅同學,可以考慮會計文員呢類工作。一到暑假,有些商業公司就會聘請暑期會計文員,協助會計入帳資料輸入同檔案處理等文書工作。根據勞工署資料,呢類工作通常要求同學有一定中英語能力,而且要識操作電腦文書處理,門檻唔算好高,時薪平均約$45/小時。最重要係,可以在冷氣開放嘅室內工作,又唔使企足成日,比較冇咁辛苦。

 

2)救生員

每逢暑假,救生員嘅需求就急升。好似康文署最近就請緊兼職季節性救生員,如果喺泳池/水上活動中心工作,時薪高達$79,而喺泳灘工作嘅兼職救生員時薪更高達$83。救生員一般都係輪班當值,而且要喺星期六、日同公眾假期當值。不過想要做救生員都唔係咁易,申請人除咗要有拯溺總會泳池/沙灘救生章或以上級別證書外,仲要通過視力、顏色分辨能力、游泳及技能測試。考過急救證書就更好,可以獲優先考慮。

 

3)興趣班導師

好多補習社或教育中心,都會針對唔同年紀嘅小朋友開設暑期補習班同興趣班,興趣班類型包括英語普通話珠心算魔術手工藝繪畫奧數各種球類等,時薪約$50 – $100。

如果你本身鍾意同小朋友相處,又有一兩項專長,咁興趣班導師就好適合你喇!

 

4)暑假託管導師

託管導師嘅工作主要都係同小朋友進行功課輔導,維持班房秩序,但有些機構都會要求導師帶領興趣小組,或者籌備活動。時薪一般比興趣班導師低少少,約$40 – $45/小時起跳,但亦有個別機構開嘅時薪高達每小時$75,視乎機構同工作性質而定。

 

5)馬會電話投注事務助理 / 顧客服務代表 / 分行服務助理

將來有興趣從事服務行業嘅同學,可以試下申請馬會嘅兼職電話投注事務助理、顧客服務代表或分行服務助理,時薪為$55 – $59,比一般暑期工稍高。工作內容主要係處理顧客查詢、協助顧客投注,同埋介紹投注產品同服務。

 

6)私人補習老師

雖然唔少補習社都會大量請補習班導師,不過薪水始終都及唔上自己私人幫學生補習。私人補習老師時薪一般為$100 – $200,視乎學生年紀同想補嘅科目而定,如果你擁有一定學歷又或者有特定資格,仲可以同家長議價添!工作時間可以按個人意願按安排,自由又有彈性,難怪成為唔少學生心目中嘅筍工。

你都想搵下補習賺外快?立即上Hello Toby平台登記成為專家搵學生啦!

馬上登記做補習專家

 

7)神秘顧客

淨係食下嘢寫報告就有錢收咁筍?冇錯!早前有機構喺暑期工博覽會招聘年輕人擔任神秘顧客,主要係到客戶指定嘅食肆或零售地點調查員工服務質素同態度,之後只需填寫問卷或者撰寫報告,就完成一單工作。每次工作人工約$60 – $200不等,視乎調查內容同時間而定。

 

8)自由工作者

而家市場對家居服務、語言學習、樂器及運動導師、攝影、美容及各類商業服務都各有需求,如果你自問有一技之長嘅話,不妨考慮下接下Freelance Job賺下外快!自由工作者通常都係按Job服務逐次收費,而且可自由安排工作時間,適合唔想朝九晚五俾份工綁死嘅人。

想做自由工作者,但又唔知去邊度搵客源?立即上HelloToby平台登記成為專家啦!

馬上登記做專家

>>> 【 HelloToby 專家全攻略】如何註冊成為專家 + 如何報價 <<<

——

延伸閱讀:【 海外升學 攻略】考TOEFL定IELTS?報考外國大學必知6大入學試

延伸閱讀:【大學畢業 起薪點 低?】5大最有「錢」途大學主修科2017

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *