英國無疑係香港學生熱門留學地點之一，每年都有唔少本地學生報UCAS，亦都有DSE考生揾定英國大學做後路。無論你係爲咩原因決定去英國讀書，相信你心目中都有好多疑問 — 到底去 英國留學 前要準備啲咩？Form幾開始plan最好？如果你考慮緊去 英國升學 ，就唔好錯過 LinkedU Overseas Education （ LinkedU ）提供嘅升學資訊！
1）按成績決定 英國留學 途徑
係咪一定要F6考完DSE先可以升英國大學？其實好似乎你嘅成績、心儀嘅學系同大學。學生一般都會係中五、中六或者中六畢業後先去英國讀書。成績一般嘅學生適合中五或者中六後先去英國讀Foundation（大學基礎班）之後再升返大學一年級，成績嘅最低要求係DSE（除中文以外）嘅主科有Level 2、2、3，IB大約24分，GCSE五科B或者AS/A Level BCC，同埋IELTS for UKVI （Academic）達5.0，門檻較低。
International Year 1（國際一年級）就比較適合DSE成績好啲嘅同學，但要留意呢個課程唔會考慮中五同AS Level學生。同學讀完之後可以銜接Year 2，總共只係讀三年。International Year 1 要求同學DSE成績達3、3、4，IB大約28分，A Level達BBC，IELTS 要有5.5分。
中六畢業後直升英國大學嘅門檻就相對較高。同學想晉身英國最Top嘅30間學校，DSE要有5、4、4，IB大約34分，A Level達ABB，IELTS有6.5分先有機會。
2）針對心儀學系做資料搜集
去外國讀書除左要揀學系之外，仲有其它實際啲嘅考慮，例如學校地點、宿舍安排、留學生嘅支援等。決定左去英國之後就係時候做下功課，進一步了解心儀大學嘅資料同埋報名日期。UCAS（英國大學聯招）會喺一月中截止，但注意兩大名校牛津同劍橋、醫科、牙醫同獸醫學系就要係十月中截止，而Foundation同International Year 1就冇截止日期，建議同學儘早申請。
3）準備 英國大學 報名文件
決定左目標之後，就係時候開始預備報名所需嘅文件喇。如果你想報Foundation同International Year 1，記得預備護照、過去三年嘅成績表同IELTS成績。呢兩個課程都唔需要交錢，但文憑同深造文憑課程就會收返報名費，前者係£24，後者就視乎個別大學嘅要求。透過UCAS報Undergraduate Degree（文憑）嘅時候，你要預備護照、過去三年嘅成績表、IELTS成績、推薦人同Personal statement。報Postgraduate Degree （深造文憑）需要嘅文件都一樣，唯一唔同嘅就係要交比中介幫你申請。
4）寫好 Personal statement
就好似Jupas要交SLP咁，報英國大學都要寫Personal statement介紹自己課外嘅成就。外國大學通常都好看重Personal statement，所以千祈唔好求其寫或者照用Jupas份自我介紹，唔係就會大大減低攞倒offer嘅機會架喇！
由於UCAS只可以比你申請五間學校，所以同學寫statement時最好針對想讀嘅學系，唔好比人覺得你一鷄幾味。寫statement嘅時候要注意文句通順，盡量避免有語法上嘅瑕疵，唔係就好容易比人一種唔專業嘅感覺。内容方面避免太空泛，建議你寫完自己嘅長處後可以用獎項、獎學金、學歷、課外活動經驗等資歷support，感覺上會比較踏實。
除此之外，你都可以留一下喺報讀英國大學嘅時候，需要留意嘅事宜！
5）留意 英國大學學費
相信大部分留學生同家長都好關心學費方面嘅安排。英國學費唔係劃一，唔同學系有唔同計法。如果係文科，Foundation 同International Year 1每年大約係£12,000 – £16,000，大學一年級學費就大約£11,000 – £15,000；理科課程學費相對較高，Foundation 同International Year 1都係每年收£15,000 – £18,000，大學一年級大約£15,000 – £20,000；而最貴就係醫科，一年學費大約£24,000 – £40,000。
想去外國讀書唔係單靠成績，仲要睇埋英語能力、課外活動、面試表現、personal statement等等。如果你都打算去 英國升學 ，就要儘快開始做資料搜集同預備相關文件，唔好等到中六先臨急抱佛腳啊！ LinkedU 擁有豐富海外升學經驗，從準備、申請，到正式入學，都會貼心為你準備，絕無遺漏。跟重要嘅係，會根據每個學生嘅實際情況，篩選最適合嘅升學計劃。
想學好英文？即刻上HelloToby揾英文老師啦！
你係英文老師 ？加入 HelloToby 平台搵新客戶啦！
>>> 【 HelloToby 專家攻略】報價必勝法！贏在起跑線的7秒鐘 <<<
——
相關閱讀：【 海外升學 攻略2017】10大熱門留學國家學費知多少
緊貼HelloToby Blog同Facebook Page，隨時搵HelloToby幫手！
