【舞蹈班攻略】優秀舞蹈老師應具備的5大特質

近年香港愈來愈多人因為減壓、健康或者瘦身等原因，開始喜歡上跳舞班。特別係k-pop、hip-hop等更是熱門嘅課程。不過想學得好，背後一定唔少得一位好嘅舞蹈老師！究竟點至稱得上係一個好嘅舞蹈老師呢？又到底可以係邊度搵到好老師呢？今日HelloToby 就請到FJ Dance為大家講解下！

1）關心每個學生嘅進度

普通嘅舞蹈老師只重視班級嘅進度。佢哋會盡量係有限嘅課堂時間內教授唔同舞步，上堂前會做足功課備課，礸研舞技，盡力令課堂充實。

不過出色嘅老師就唔淨止教跳舞咁簡單，仲會花時間了解學生嘅長處同弱點，睇下點樣可以幫助學生改善，等佢哋可以學得更好。真正嘅好老師會花時間用心了解學生嘅整體情況，同佢哋建立關係。

2）真正教你點跳舞

如果你只係想搵老師教你唔同舞步，咁你應該搵一啲可以喺60 – 90分鐘內教你各種舞姿同步法嘅老師。

但如果你想學習點樣了解自已嘅身體、感受音樂節奏情感而跳出舞步嘅話，咁就要搵一個真正用心教你點樣跳舞嘅老師。如果老師上堂只係跟程序湊時間，你好明顯會感受到。一個每次上堂都好用心咁教你點跳舞嘅老師，係唔會為咗趕進度而求其講解，又或者俾你睇Video就算。

3）俾有建設性嘅意見

普通嘅舞蹈老師可能會見你做得好就稱讚你，不過好嘅舞蹈老師除咗俾正面意見外，仲會糾正你嘅姿勢，俾你有建設性嘅意見。因為想學得好，就要先了解自己嘅不足，咁至知道自己應該點去改善。好嘅老師會讚揚學生做得好嘅地方，但亦會針對弱點提出有建設性嘅意見，希望令學生有所進步，而唔係為咗哄學生開心一味稱讚。

4）隨時因應進度調整教學

唔少舞蹈老師上堂都會按課堂內容準備好背景音樂，不過好嘅老師就會再做多兩手準備，可以隨時因應課堂情況調整內容同教學方法。譬如上堂上到一半，發現學生唔係太跟得上就會簡化舞步，花更多時間練習基礎動作，又或者縮減教學內容，但就教得更仔細，務求令每個人都跟得上，而唔係無視其他學生，繼續按自己步伐教學。

5）有教學熱誠

好嘅舞蹈老師唔單止熱愛跳舞，更鍾意教人跳舞。做得舞蹈老師嘅一定係熱愛跳舞，但要教得好，就一定要有教學熱誠至做得到。正如出色嘅科學家唔一定教科學教得好，藝術家亦唔代表一定係好嘅美術老師。有教學熱誠嘅舞蹈老師，先至願意花精神同時間認真教學。

講完咁多，大家都應該心裡面有個疑問：咁多要求，我可以係邊度搵到個咁好嘅老師呢？不如試下Friends Junction Dance Company 啦！FJDC 於 2007 年成立，致力推廣流行舞蹈文化，在太子、觀塘及北角均有分校。舞蹈課程多元化，包括Kpop,Jazz Funk,Hip Hop，適合不同年齡人士。
更重要係，佢地師資優良。FJDC 於2010年率先引入KPOP 舞蹈培訓，與多間韓國娛樂公司合作，並獲韓國領事館嘉許，推廣韓國KPOP文化。時至今日，FJDC已經培訓出唔少學生，甚至韓國練習生、港姐、中華小姐都有係FJDC學習。而在2017年旗下男子組合FJBOYS 更勇奪 香港區 KPOP cover 舞蹈比賽冠軍。咁都證明咗FJDC嘅老師，教學經驗值得保證！

唔想再煩惱係邊度搵好嘅舞蹈老師？即刻上來Hellotoby睇下啦！

即搵Friends Junction Dance Co. 報價

市面上嘅大型舞蹈學校教學環境同設施完備，不過大班教學始終好難照顧到每個人需要。想搵到真正適合你嘅專業舞蹈老師學跳舞？我哋嘅平台上有唔少優秀嘅芭蕾舞、踢踏舞、社交舞、爵士舞、Hip Hop舞、探戈同K-Pop舞蹈等等嘅老師，即刻上我哋平台免費獲取不同舞蹈老師嘅報價啦！