歷史 作為 DSE選修科 嘅其中一科，往往俾人標籤為一科只靠死背、沉悶嘅科目。 學歷史 唔單單係知道歷史事實，仲可以令你更好地理解一個地方嘅文化、風情、社會架構等，可以幫你認識、品味、欣賞一個地方，所以唔好睇小歷史呢科！講到歷史，我地日常生活其實充滿歷史嘅痕跡，香港身邊就有唔少 歷史建築 ，例如 PMQ 、 美利樓 ，但你又知唔知背後嘅 歷史故事 ？認唔認識香港本地歷史？ HelloToby 今次就同你分析下 DSE歷史應試技巧 、 歷史有咩重要性 ，改變下大眾對歷史嘅刻板印象！
1） 學歷史 靠背就得 ？
非也！歷史當然唔係淨靠背就得喇，以防萬一提提你，歷史本身係一科需要分析嘅科目，目的在於培養你嘅分析能力。記得史實固然重要，但更深層次係希望令學生知道歷史事件發生嘅前因後果，分析事件嘅來龍去脈等等。再而分辨可靠嘅史實，進而判斷唔同嘅歷史辯題。一個好嘅 歷史老師 唔應該只係一味要求學生背誦歷史，而要係令學生知道同抓著歷史嘅脈絡。
HelloToby 其實為 DSE考生 準備咗唔同學科嘅學習方法，你都可以順便睇睇！
2） 如何學習歷史 ？
要了解歷史，我哋其實可以唔洗只係閱讀教科書，世界各地嘅流行文化週不時都會同歷史有關。以年輕人最喜好嘅動漫為例，日本網絡連載漫畫《 黑塔莉亞 Axis Power 》、《 文豪野犬 》、《 輪迴的花瓣 》正正就是以世界歷史和日本歷史為主題，漫畫人物設定都係以唔同國家特徵為藍本。
講到電影、電視劇等就有更多。就以著名導演許鞍華嘅電影為例，佢近年最出名嘅兩部電影——《 黃金時代 》、《 明月幾時有 》。兩部電影背景同樣都係牽涉到抗日時期中國、香港嘅大環境。只係前者講述二十世紀著名女作家蕭紅嘅生平，以及佢來港避難嘅經過，後者則講香港淪陷時期抗日遊擊隊嘅故事。
可以見到，流行文化同歷史息息相關。要生動咁學習歷史，不妨由電影、漫畫開始睇。
想搵個好嘅 歷史補習導師 ？即刻上 HelloToby 搵適合你嘅 歷史補習老師 ！
3） DSE歷史 考咩？有咩 應試技巧 可以留意？
DSE歷史科公開試 可以分為三個部份，分別係：資料回應題、論述題、校本評核。
資料回應題一般包含四題，範圍橫跨唔同課題。一般資料回應題嘅內容會係漫畫、數據等一手歷史資料，題目要求學生合理地分析和評價歷史證據，繼而拉近歷史資料和真實歷史事件嘅關係。
論述題方面，考生可以在7條論述題中選擇2條回應，在有限時間內展述自己嘅立場，以自己所知嘅史料支持自己嘅論點。
整個課程會囊括二十世紀唔同國家嘅歷史，包括香港、中國、日本、歐洲等等，仲會研究唔同國際組織喺二十世紀內對全球嘅貢獻，例如係聯合國。所以大家唔好再抱有 DSE歷史 就係西史呢種概念啦！
4） 大學 歷史系 讀咩？ － 中史 歷史 之別
目前為止，設有 歷史系 嘅大學一共有五間，分別係香港大學、香港中學大文、香港浸會大學、嶺南大學同埋樹仁大學。雖然大家都係研究歷史，但研究方面就截然唔同。
以港大同中大為例， 港大歷史系 就主要研究 西方歷史 為主， 中大歷史系 就要研究 中國古代史 。如果想係港大讀中史，你可以讀隷屬港大中文學院嘅 中國歷史及文化 一科。
但無論係 港大歷史系 定 中大歷史系 ，入到去嘅同學都應該有心理準要係咁不斷寫論文，搵合適嘅文獻同史料，分辨其真偽同可信性，客觀地寫出一篇篇嘅論文。有時，教授亦會要求學生完成書評，分析歷史文章嘅局限同預設立場等等。
5） 歷史系出路 有啲咩？ 學歷史的重要性 在於什麼？
唔講你唔知，未代港督彭定康就係出身於牛津大學歷史系。社會上有唔少名流賢達都係出自歷史系，俞宗怡、楊啟彥、馬時亨、丁新豹、蕭若元等等都係歷史系嘅畢業生。所以話讀歷史一定冇出路呢個講法就表面上難以成立。
當一個人了解歷史到一個程度，就會發現歷史有自己一套興亡嘅規律、經驗同教訓。能夠理解歷史洪流嘅人能夠「以史為鏡」，可以避免陷入一啲歷史的困境或狀況。同時亦可以預先洞察未來嘅潮流走向，呢點點於一個人可以喺社會上立足係十分重要。
唔知上文有無幫你認識到 歷史科 嘅仲要性呢？又有無令你重燃 學歷史 嘅熱情呢？想要學好歷史？ HelloToby 幫到你！
你係 歷史補習老師 ，想加入 HelloToby 平台搵新客戶？
——
延伸閱讀：【大學畢業 起薪點 低？】5大最有「錢」途大學主修科2017
延伸閱讀：【 考試溫書邊度好 】嚴選香港10大 自修室 （ 2018 更新版 ）
緊貼HelloToby Blog同Facebook Page，隨時搵HelloToby幫手！
