【 Marketing係咩】 Marketing 大學堂： Marketing係做咩？

唔少大學畢業生、Fresh Grad搵工都話想做Marketing，你身邊亦點都會有人都從事 Marketing （市場營銷），咁究竟 Marketing係咩？Marketing算係香港幾普遍嘅一種行業，不論你係大公司定中小企，又或者係依家好流行嘅網店，都可以「Marketing」一番。Marketing俾人嘅印象好似好好玩，但唔少 Marketing Agency 好似好Chur，成日都要OT，其實Marketing呢行嘅生態係點呢？又或者我哋更加直接咁問：「Marketing係做咩？」 HelloToby 邀請到喺Marketing有資深閱歷嘅藝馬劇他，同我哋分享下 Marketing工作。

1） Marketing係咩 — 4P Marketing / 8P Marketing

對於咩叫Marketing，已經有好多大師落咗唔同嘅定義，建立咗相關嘅理論。當中最常接觸到嘅係 Marketing Mix ，即 4P Marketing —Product（產品）、Price（價格）、Promotion（宣傳）、Place（渠道）。

而對於服務業嚟講就會再考慮多幾個範疇：Process（流程）、People（人）、Physical Evidence（外形）、Performance（成效），即係 8P Marketing 。

坊間對於「P」有很多不同的說法，有時會用「C」去代替，如Customer（顧客）、Cost（成本）、Communication（溝通）等。

Marketing所包含嘅範圍可以很廣，亦可以很深入，工作範疇會因應業務和市場環境而大有不同。亦因此，不同的業務角度去看Marketing，如銷售、股東、顧客、管理等，會衍生出不同嘅Marketing定義。

2） Marketing 種類五花八門 — 諗清楚做邊一種

Marketing閒閒地都可以數十幾種，例如Digital Marketing、Content Marketing、Social Media Marketing、Affiliate Marketing、Email Marketing、Event Marketing、Offline Marketing、Growth Marketing、Performance Marketing等，五花八門。唔好話對於其他行業嘅朋友嚟講唔太容易理解，甚至好多做緊Marketing嘅朋友都未必能完全了解，畢竟個範圍真係可以好闊。

倒返轉嚟睇，如果各位做緊Marketing嘅朋友好了解自己個喺整體業務上嘅位置，發揮緊咩作用，點做或者做到點係對自己個崗位、自己dept、自己BU同公司係好嘅話，咁其實已經好厲害啦！

3） Marketing係做咩 — 市場營銷 Market-ing

做咗一段日子Marketing，之所以覺得叫「market-ing」，係因為人嘅生活習慣、科技、社會狀況等個樣都在不斷變化，造就呢個由人所組成嘅市場不斷變幻，致使接觸目標群眾嘅方式亦在不停變化。所以，市場營銷的方式和手段是在不斷變換，是做到老學到老的行業，並沒有一成不變的一套。

了解市場狀況及動向，整合公司、機構內部資訊，以新而有效嘅方法向目標群眾傳遞公司、機構資訊。根據目標群眾的回應、行動，從而為公司、機構及目標群創造價值，這是Marketing工作中所得到的成就感和滿足感。

另外一點係，好多時候公司老闆都未必太了解或者知道，Marketing係做咩或者係擔當一個點嘅角色。當然老闆會有佢地睇Business嘅角度同需要，但作為一個做咗一定日子嘅Marketing小薯嚟講，其實都會有自己對Marketing同Business嘅睇法。

小弟做過不同公司，有大有細，同唔同類型嘅老闆合作過，我好鍾意問老闆：「你覺得咩係Marketing ？」答案各式各樣，老實講，當然冇話啱或錯嘅答案，因為呢個都關係到業務同個人睇法。老闆將佢對Marketing嘅要求、目標，甚至做法交比你，你認同固之然好，不認同的話就一係食咗佢，一係同老闆「討論」，我兩樣都試過，命運都當然好唔同……