對好多想創業嘅人嚟講，開公司嘅步驟之繁複，可能都早有聽聞，喺註冊公司之後，下一步就係請會計師同審計師處理財政事宜。想開公司，除咗要請會計師處理公司嘅日常財務交易之外，根據公司法，所有有限公司必須每年由審計師做審計，並且提交審計報告。但好多人可能都分唔清會計同審計嘅分別。究竟會計同審計服務有咩分別？呢篇文章將會為你講解 1）會計服務內容同收費、2）審計服務內容同收費，以及3）會計同審計服務嘅分別。
1）會計服務內容和收費
會計嘅工作內容主要係處理公司日常嘅財務交易。一間公司嘅會計師除咗要處理支付費用、準備發票同做銀行轉帳外，仲要負責計算工資同埋公司收入等等。基本上，每間公司都需要會計師，而佢哋嘅職責就係收集同記錄公司財務活動嘅情況，同埋對企業嘅經濟活動做核算同監督。會計服務可以幫公司了解企業嘅財務狀況同經營成果。
會計服務一般包括代理記賬、編制財務報表、管理成本同存貨，以及建立內部會計管理制度。會計收費通常按公司業務嚟定價，一般按季度或者年支付，但亦有公司會按月收費，一般係每月 $500 起，每年費用介乎 $1000 至 $4000。
了解完咩係會計，想為公司揾返個會計師？即刻到 Hellotoby 發布 會計師服務要求！
2） 審計服務內容和收費
審計又稱為核數，涉及對公司財政狀況作出評估。同會計不同，審計唔係日常所需，通常係每年或每季度進行一次。審計工作主要針對企業的財政狀況分析，並準備財務報表。喺現行嘅《公司條例》下，所有喺香港成立的有限公司，都必須由獨立核數師負責其年度財務報表。審計服務可以分為內部審計和外部審計。內部審計可以由公司員工自行負責，外部審計就可以聘請獨立會計師或外部會計師事務所處理。審計完畢後，核數師會編制審計報告俾企業參考同埋提交俾政府。
值得一提嘅係，雖然無限公司唔使每年做審計，但係都要報稅。審計收費方面，可以分為會計師樓同獨立審計人員，獨立審計人員嘅服務收費介乎 $3000 至 $5000，而會計師樓嘅開價一般較高，通常由 $5000 起跳。
3） 會計同審計服務嘅分別
會計同審計主要有三個分別。首先，會計工作係恆常需要進行，而審計多數係每年、每季度或者有需要嘅時候先需要做。其次，會計工作涉及稅務處理同帳務管理，而審計工作就係審核公司嘅財務資訊，亦即係檢查會計程式係咪有效。最後，會計工作通常可以由公司內部員工負責，而審計工作必須由第三方，亦即同公司無財政聯繫嘅獨立會計師進行。
睇完會計同審計服務嘅內容同收費，係咪了解多咗佢哋有咩分別呢？唔好忘記除咗上述服務外，開公司仲需要請秘書，如果想搵商業計劃顧問，HelloToby都可以幫到你！
你本身都係會計師或者審計師？可以上 Freelance網站 HelloToby 免費登記做專家，接freelance！
——
延伸閱讀：【 開公司 知多啲】開 有限公司 同 無限公司 有咩要準備？
延伸閱讀：【 提升信貸評級 】 環聯信貸報告 必須認識的7大要點
緊貼HelloToby Blog同Facebook Page，隨時搵HelloToby幫手！
