每日返工放工，過住朝九晚五嘅刻板生活，見嘅唔係家人就係同事，唔想再過Dry爆嘅生活？不如報名試下唔同類型嘅興趣班，培養新嗜好啦！無論你嘅選擇係動態嘅跳舞班 ，定係較靜態嘅手工藝班，只要你肯參加，就有更多機會認識新朋友、擴闊生活圈子、舒緩生活壓力之餘，仲可以陶冶性情，又自我增值，學多一技旁身！HelloToby特意為上班一族嚴選7大 OL興趣班 ，立即睇下邊樣最適合你啦！
1）手工藝班
如果你不嬲都鍾意DIY做下小手作嘅話，咁手工藝呢類興趣班就啱晒你。一般手工藝班有水彩畫、素描畫、油畫同粘土製作等唔同選擇。嫌呢啲太普通？平時有戴開手飾嘅女士可以試下銀飾手工班或者珠寶設計班。講求實際嘅，可以參加皮革藝術班或者陶藝班，造下銀包、卡片套、杯、碗、碟呢類實用嘅日常用品。
2）烹飪班
平日返工唔少OL都會選擇出街食午餐，不過成日出街食不但花錢，好多時仲係多肉少菜、高鹽高糖嘅食物，易肥之餘又影響健康。不如學番幾味閒時為自己做愛心飯盒，慳錢又健康！
HelloToby可免費為你推薦幾位獲專業認證嘅烹飪導師，無論係中菜、西餐定日常住家飯都應有盡有！
3）舞蹈班
女士學跳舞可以舒緩工作壓力之餘，又可以減走贅肉，鍛煉身體線條，好處多多。近年流行嘅肚皮舞、新爵士舞同空中絲帶舞都係健康又易學嘅舞蹈，就算無乜舞蹈底子都唔怕，適合唔同年齡層嘅女士。
相關閱讀：【女生想瘦身？最好 學跳舞 】5大最有Keep Fit效果的舞蹈
4）瑜伽班
OL一族工作時都通常一坐就8 – 10小時，再加上長期用電腦，又冇乜點運動，久而久之就會出現肩頸膊痛、下半身肥胖等問題。學瑜伽不但可以改善肩頸痛、脊椎問題，仲可以促進血液循環，加快新陳代謝。此外，練瑜伽亦有助減走脂肪，塑造身體線條乜。由於瑜伽係比較温和嘅帶氧運動，平時冇乜做運動嘅OL們都易上手，仲可以舒緩工作壓力添！
如果你正想搵瑜伽教練，就立即上我哋嘅免費平台啦！你只要回答幾個簡單問題（如瑜伽水平、上課日子同時間等）就可以取得瑜伽教練嘅報價喇！
5）花藝班
好多人都覺得插花係有錢人至玩嘅玩意，其實插花時要保持心平氣和，再加上插花講求花種、顏色配搭等，可以修身養性，培養氣質同美感，好適合好靜又想提高文化素養嘅女士
HelloToby平台上有多位經認證嘅花藝班導師，立即搵佢地學習花藝設計、插花技巧同花束設計啦！
6）化妝班
好多人都會上網睇片學化妝，但每個人嘅皮膚性質、五官特徵同面形輪廓都各有不同，網上學到嗰套唔一定適用於你身上。想搵到最適合你嘅妝容，不如直接搵專業化妝師學習啦！專業化妝師除咗可講解運用化妝品嘅知識外，仲可以幫你了解自己面部輪廓特徵，教你點樣化個最適合你、突出自己優點嘅靚妝。
HelloToby平台上有多位經驗豐富嘅化妝師，立即搵佢哋索取免費報價啦！
7）品酒班
酒就飲得多，但真係識品酒嘅又有幾多個？近年有唔少機構推出品酒班，主要教授你餐酒知識、品嚐白酒紅酒嘅技巧、食物配搭同餐飲禮儀等，既可提高生活品味同情趣，又可認識新朋友。
立即透過HelloToby搵專業認證嘅品酒導師報價，簡單方便又免費！
如果你係以上各種 OL興趣班 嘅導師，請即上HelloToby免費登記為服務專家，找尋更多學生！
——
延伸閱讀：【 韓文班 攻略】學韓文的4大基本途徑
緊貼HelloToby Blog同Facebook Page，隨時搵HelloToby幫手！
