【 瑜伽班入門篇 】5大瑜伽分類 + 學瑜伽去邊度學好?

近年港人愈來愈注重健康,經常於工餘時間做運動鍛練身體。當中看似溫和又可以減壓、減肥嘅瑜伽 ,就成為唔少上班族嘅首選。 瑜伽種類五花八門,例如高空瑜伽、高溫瑜伽、哈達瑜伽、大笑瑜伽等,瑜伽初學者適合練邊種瑜伽呢?坊間咁多瑜伽中心 ,其實去邊度上瑜伽班好?就等Toby 為大家講解下瑜伽入門你不得不知嘅知識!

1) 學瑜伽好處係?

1. 瑜伽係帶氧運動,唔同嘅伸展、扭動可促進血液循環,加強心臟功能。

2. 增加體能同提升柔韌度,有助改善肩頸痛、脊椎問題。

3. 有助排汗,加速身體的新陳代謝。

4. 瑜伽嘅呼吸法同冥想有助放鬆身心,舒緩壓力。

5. 大量伸展同拉筋動作有助減走脂肪,塑造身體線條,達到減肥 、 瘦身效果。

學瑜伽

 

2) 瑜伽分類

瑜伽可分為好多唔同嘅派別,近年仲出現咗唔少新穎嘅另類瑜伽,如: 大笑瑜伽( Laughter Yoga )、 香薰瑜伽( Aromatic Yoga )、孕婦瑜伽( Prenatal Yoga )等。不過,作為瑜伽入門 ,可以了解咗最常見嘅集中瑜伽先!

 

1. 哈達瑜伽( Hatha Yoga )— 古典瑜伽

哈達瑜伽

哈達瑜伽可以話係大部分瑜伽派別嘅統稱,較著重體位法練習,練習瑜伽動作時要配合呼吸調息,令身體放鬆,保持身心寧靜,所以有時課堂內容會包括呼吸練習同冥想。哈達瑜伽節奏較慢,適合瑜伽入門 

 

2. 阿斯坦加瑜伽( Ashtanga Yoga )— 高強度瑜伽

阿斯坦加瑜伽

阿斯坦加瑜伽係一種古老嘅瑜伽系統,主要分為6級,毎級都有一連串嘅動作,毎次要按指定次序練習,成套瑜伽動作練晒要 1-2小時。 阿斯坦加瑜伽強調動作同呼吸嘅配合,主要鍛練身體嘅力量、柔韌性同耐力,對練習者嘅體能素質要求較高。

 

3. Vinyasa 瑜伽 / 流瑜伽( Flow Yoga )— 瑜伽動作流暢銜接

Vinyasa係梵語,意指呼吸同動作同步,即係練習者每次吸氣或呼氣時,由一個動作轉換到另一動作,所以又有人稱之為「流瑜伽」( Flow Yoga )。由於對體位嘅序列冇阿斯坦加瑜伽咁嚴格,所以相對冇咁難。

瑜伽班

 

4. 空中瑜伽( Aerial Yoga )— 釋放脊椎壓力

空中瑜伽 運用懸吊嘅布帶或吊床,於半空中做瑜伽動作 。由於有布帶作承托,所以就算係筋骨僵硬嘅初學者,都可輕易做出各種於平地做唔到嘅伸展動作,而大量倒吊動作亦有助促進血液循環,紓緩脊椎問題。

 

5. 高溫瑜伽( Hot Yoga ) — 瑜伽減肥必學

高溫瑜伽又稱為「 熱瑜伽 」,係指喺約 38℃ – 40℃ 嘅高溫環境中做瑜伽,利用熱能令你大量出汗,從而排走體內毒素。由於喺高溫環境下人嘅身體柔韌度會變好,所以更易伸展身體,冇咁易拉傷,好適合初學者,但如果患有高血壓、心臟病、糖尿病等疾病嘅人就唔太適合。

 

3) 邊度學瑜伽好 ?

睇完上面對於瑜伽嘅介紹,心思思想學瑜伽?不過,究竟去邊度學瑜伽好呢?係跟私人瑜伽教練 ,還是向瑜伽中心、工聯會報名瑜伽班、瑜伽課程 ?

 

1. 自學

依家想自學瑜伽其實好簡單,可以透過 YouTube 同手機App (譬如「 每日瑜伽 Daily Yoga 」)自學,完全免費,只要有時間就可以自己喺屋企練習。不過,瑜伽有唔少高難度動作,如果冇導師嘅指導,其實好難靠自己完成到動作。如果做錯咗仲好容易搞到肌腱受傷,或者拉傷韌帶添!長遠嚟講都係搵番嘅專業嘅瑜伽導師指導比較穩陣!

相關閱讀:【瑜伽導師專訪】Maggie:從世界到自己

瑜伽

 

2. 工聯會

工聯會 勝在費用便宜,全期12堂,都只係$680,除番埋每堂平均$56.7, 平價瑜伽之選!而且上課時間同地點都有好多選擇,相當方便。不過, 工聯會通常係大班教學, 瑜伽導師未必能照顧唔同學生嘅需要,而且瑜伽教練質素良莠不齊。如果你只係初學者想試玩瑜伽,咁工聯會課程就不失為便宜嘅選擇。但亦因為價錢平,報名人數多,未必咁易報到適合你的時間和地區。

高溫瑜伽

 

3. 瑜伽中心

香港有唔少大型瑜伽中心,設備完善(譬如有淋浴間,落堂後可以沖埋涼),又有多種瑜伽課,部分機構更會提供瑜伽試堂 。由於呢類瑜伽大多提供月繳或預繳形式嘅課程,即係你可能要一次過分要交半年甚至全年嘅學費,報名前最好衡量風險。

相關閱讀:【專家故事】余淑華:從銀行文員搖身一變成為瑜伽導師

瑜伽動作

查看全港各區瑜伽中心

 

4. 私人 瑜伽班

呢類 小型瑜伽班、私人瑜伽班 喺時間同地點上都較少選擇,場地設備亦較大型中心輸蝕。不過喺大型瑜伽中心上堂通常都係大班教學,有時你只能跟住瑜伽導師嘅動作做,但唔知自己做得啱唔啱。如果係私人、小型瑜伽班,瑜伽老師就會有更多時間作詳細指導,糾正同學嘅動作。

瑜伽教學

 

如果你都想搵瑜伽導師,就立即上我哋嘅免費平台啦!你只要回答幾個簡單問題(如瑜伽水平、上課日子同時間等)就可以取得瑜伽教練嘅報價喇!除咗瑜伽班之外,仲想參加其他運動健身班?立即上Toby 了解更多啦!

瑜伽好處

如果你係瑜伽導師,想加入Toby 平台搵新客戶?

免費註冊為專家

 

  延伸閱讀:

全港活動指南喺Toby正式推出,為你提供全港各區活動的資訊詳情,讓你隨時隨地盡覽香港節慶、音樂、藝術、展覽、親子、情侶等活動,尋找香港好去處!

我們更會為大家帶來各種獨家優惠,立即查看!

想知更多活動指南嘅資訊?Click以下Button睇下點參加啦!立即查看香港活動合集

全港活動指南

 

 ——

 

延伸閱讀:【游泳班開鑼】搵教練學游水 6大須知(兒童泳班 + 成人泳班)

延伸閱讀:【真減肥成功】人氣YouTubers推介5大減肥運動

緊貼Toby BlogFacebook Page,隨時搵Toby幫手!

Leave a Reply

Your email address will not be published. Required fields are marked *