【真減肥成功】人氣YouTubers推介5大 減肥運動

十個女仔有九個大喊要減肥,你可能聽過各式各樣速效減肥法。不過,旁門左道嘅方法根本治標不治本,唔好再妄想,都係踏踏實實做 減肥運動 啦!除咗鄭多燕之外,近年愈來愈多型男索女YouTubers教人減肥瘦身,佢哋自己係活生生嘅成功例子,睇完片都覺得好鼓舞呀!等HelloToby總結佢哋嘅心得,向大家推介5種最值得學習嘅 減肥運動 啦!

 

1)TRX訓練(Total Resistance Exercise)

TRX訓練全名為「懸吊式訓練」,屬於體重阻力訓練其中一種,源自美國海軍突襲隊嘅訓練項目。TRX懸吊帶係呢種運動重要訓練器材,帶有不穩定性。學員以自己體重成為負重重心,運用大量核心肌肉力量來維持平衡、調節站姿以及令動作保持正確的傾斜角度。由於TRX訓練需要大量消耗體能,所以對於強化肌力、核心肌群、燃燒脂肪、雕塑曲線都有極佳的效果㗎!

另一好處,TRX活動範圍唔一定局限於Gym房,只要上完TRX訓練班,再買便攜式懸吊帶就可以拎返屋企自行操練。香港TRX基本團體班每堂約$200就有交易,大部分中小型健身中心都有舉辦。

TRX訓練喺全球都十分流行,美國YouTube頻道BodyFit By Amy經常教授由6大基礎動作所組成嘅TRX訓練,包括深蹲(Squat)、推(Push)、拉(Pull)和跨步(Lunge)等。

圖片來源:Bodyfit by Amy

馬上搵個TRX教練

 

2)HIIT訓練(High Intensity Interval Training)

HIIT訓練中文稱之為「高強度間歇訓練」,內容以「高強度訓練+低強度訓練」或「動作+停止」交叉組合而成,典型HIIT節奏如「衝10秒、休息20秒、再衝10秒、休息20秒……重覆10次」

對於講求速效嘅人嚟講,HIIT訓練絕對係福音。雖然訓練時間短(短至幾分鐘),但燃燒脂肪成果比辛辛苦苦跑步更加顯著。因為爆發性運動會將你心跳率推至90%以上,產生「後燃效應」,減走脂肪並同時保留肌肉。Tabata、CrossFit、Boot Camp都屬於同類型高強度間歇訓練,可以在家訓練。

台灣代表一休透過運動同飲食控制成功減掉55磅,曾於書、YouTube頻道一休陪你一起瘦身博客中分享減肥秘訣,主要教授Tabata間歇訓練。

圖片來源:一休陪你一起瘦身

而香港代表Susana Tsang,同樣成功減掉46磅,在其YouTube 頻道Go Green Go Lean博客中分享飲食餐單同各種核心訓練運動。

圖片來源:Go Green Go Lean

馬上搵個HIIT教練

 

3)踢拳Kick Boxing)

如果你喜歡以上高強度運動,相信你都唔能夠錯過Kick Boxing。因為Kick Boxing出拳招式講求「快、狠、準」,絕對夠刺激同夠型格!其實,Kick Boxing對踢走豬腩肉亦有顯著幫助,針對身體唔同部位,配合不同的拳法加以鍛煉,每小時可以消耗超過800卡路里以上。而家上Kick Boxing班,唔一定以對打形式做訓練,坊間有好多教練配合健身球、半圓球等器材發展一套Kick Boxing減肥操,讓運動過程更具趣味同更有效燒脂。

YouTube頻道Fitness Blender每星期都出唔同運動影片,兩夫妻亦有拍攝一系列Kick Boxing健身操教學。短片附上動作指引及計時功能,讓讀者好似有貼身健身教練在場指導。

圖片來源:Fitness Blender

馬上搵個踢拳教練

 

4)瑜伽(Yoga)

以減肥角度而言,瑜伽唔能夠令你體重快速下降同顯著減走肥肉。不過,瑜伽運動涉及運用丹田呼吸,再做出各種姿勢來伸展、彎曲、扭轉身體肌肉與韌帶。一堂課已經足以令你全身汗流浹背,促進新陳代謝。長時間練習更可以有助修身、改善你因為久坐而成嘅啤梨身型。對少做運動嘅人嚟講,瑜伽係比較容易入門嘅運動。

前藝人林芊妤(Coffee)亦投身瑜伽教師行列,於YouTube拍片教人做瑜伽收臀、 消滅鬆弛拜拜肉、舒緩疲勞痛症等,從佢身上亦見到顯著成果。

圖片來源:Coffee Lam 林芊妤

馬上搵個瑜伽班

 

5)鋼管舞(Pole Dance)

如果你覺得訓練沉悶,你可能較喜歡透過舞蹈減肥。以往鋼管舞係脫衣舞孃專利,俾人負面印象,但今時今日已經成為熱門瘦身運動啦!鋼管舞並唔係單靠姿勢,還混合了體操元素,要利用鋼管做出攀爬、旋轉、倒吊等高難度動作。絕對係柔軟度、體力同耐力兼備嘅運動!長期鋼管舞可以消脂減肥、體線條愈來愈Firm,仲會變得「孔武有力」

來自加拿大嘅Asana係少數鋼管舞YouTuber博客,佢以健美風格拍攝鋼管舞教學,於片中詳細介紹每個動作要做到嘅步驟。

圖片來源:Pole Asana

 

想同YouTubers一樣減肥成功?快啲去做適合你嘅 減肥運動 啦!我哋平台上有私人健身教練Crossfit班瑜伽班踢拳班泰拳班等運動類服務,梗有一樣啱你!

瀏覽更多服務

你係減肥運動教練,想加入HelloToby平台搵新客戶?

立即登記

——

延伸閱讀:【 Slash 不是廢青】香港10大傑出青年 Slash 版

延伸閱讀:【 瑜伽 導師專訪】Maggie:從世界到自己

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *