【專家檔案】林樺教練:學好 羽毛球 的秘訣

香港運動員向來比較少曝光率,只有少數精英體育項目港隊成員為人熟悉。不過媒體鎂光燈背後,本地仍然有大量不問回報而且默默耕耘嘅運動員,HelloToby平台上嘅 羽毛球 教練林樺就係其中之一。作為全無政府支援、非全職、非球會嘅羽毛球運動員林樺,究竟點開展自己羽毛球員同教練生涯呢?

羽毛球 係生活一部分

林樺近年先後於國內外累積咗50多個比賽獎項,2016年就取得北京貝特盃男單亞軍、深圳爾思盃男單冠軍、智慧場館盃(誰羽爭峰站)男單冠軍、 深圳福永華強城盃男單冠軍等等。

儘管唔係全職運動員,林樺生活與羽毛球形影不離,比賽同教波時間各佔一半。佢笑言自己對羽毛球嘅熱愛非常瘋狂,讀書時期會做兼職搵教練學打波,會喺Google搜尋唔同比賽,甚至乎會膽粗粗獨自上京同國內好手對陣。因為唔想被球會綁死,咁多年嚟更四出自行搵贊助。

對羽毛球之所以咁親力親為,佢指初衷好簡單:「羽毛球係我生活一部分,冇得打會死。想趁自己未有家庭負擔時,盡量參加唔同比賽,見識多啲。」一個運動員尋夢意向,清晰得很。

羽毛球易學難精

羽毛球算得上受普羅大眾歡迎,唔難見到男女老少係街場對打。林樺形容:「羽毛球易學難精,要打得揮灑自如起碼要浸淫至少4至5年,團體同單打都得。」

林樺嘅學生年齡層由小朋友到老人家都有,小童5、6歲可以開始學,作為一張白紙有好多可能性,最緊要夠主動同有心。但對於半途出家嘅成年學生,就要著重實戰訓練,因為動作已經成形,需要花較多時間改善。提到比賽形式,林樺指自己偏好單打,勝在可以自我挑戰,跟足日程訓練、證明自己訓練方向正確。相信成功感就係運動員最大嘅動力吧!

相關閱讀:【兒童運動班】 羽毛球 Vs 網球 :小朋友學邊樣好?

 

如何搵一個適合自己 羽毛球 教練?

羽毛球有為數不少嘅單打賽事,比賽場上並無隊友依靠,變相教練角色更加重要,有助保持運動員於比賽前有足夠準備。

林樺建議學生先試堂,看看教練是否適合自己,再決定繼續與否。另外,教練必須有豐富比賽經驗,幫助學生在臨場分析戰術同解決比賽時嘅心理壓力。

林樺指出唔少學生落場表現比日常差,因為與熟人對打心態比較開,但面對陌生人就會變得緊張。作為羽毛球教練,林樺主張讓學生接觸更多人,安排唔同學生對打,令學生習慣處於比賽狀態。

改善球技5部曲

雖然普羅大眾都喜歡打羽毛球,但要學習成為專業羽毛球手就有好多地方需要注意。林樺奉勸初學者要買足夠承托力嘅球鞋,正所謂「輸人唔輸裝備」,裝備好就可以避免不必要損傷。

想改善羽毛球技巧?秘訣有5部曲:「多睇片、多練波、多實戰、多練步法、多練體能。」影片會幫助你發掘更多戰術同動作。透過重覆步法則有利將各樣技巧「入腦」,令比賽時身體反應更快、毋須思考,達致融匯貫通境界。

 

HelloToby平台上有專業嘅羽毛球教練,你只需回答幾條服務相關嘅簡單問題就可以免費取得報價!

即搵羽毛球班

平台上仲有好多唔同嘅運動班:網球班溜冰班乒乓球班籃球班游泳班等等。

即搵運動班

你本身係運動教練,想加入HelloToby平台搵新客戶?

立即登記

>>> 【 HelloToby 專家全攻略】如何註冊成為專家 + 如何報價 <<<

——

延伸閱讀:【 游泳班 開鑼】搵教練 學游水 6大須知(兒童泳班 + 成人泳班)

延伸閱讀:【夫妻檔專家】由婚紗照到 大肚相 到全家福,一App過搵晒!

緊貼HelloToby BlogFacebook Page,隨時搵HelloToby幫手!

 

Leave a Reply

Your email address will not be published. Required fields are marked *