【瑜伽班入門篇】5大瑜伽分類+學瑜伽去邊度學好?

更新於2021年07月09日

近年港人愈來愈注重健康,經常於工餘時間做運動鍛練身體。當中看似溫和又可以減壓、減肥嘅瑜伽,就成為唔少上班族嘅首選。瑜伽種類五花八門,例如高空瑜伽、高溫瑜伽、哈達瑜伽、大笑瑜伽等,瑜伽初學者適合練邊種瑜伽呢?坊間咁多瑜伽中心,其實去邊度上瑜伽班好?就等Toby 為大家講解下瑜伽入門你不得不知嘅知識!

學瑜伽好處係?

1.瑜伽係帶氧運動,唔同嘅伸展、扭動可促進血液循環,加強心臟功能。

2.增加體能同提升柔韌度,有助改善肩頸痛、脊椎問題。

3.有助排汗,加速身體的新陳代謝。

4.瑜伽嘅呼吸法同冥想有助放鬆身心,舒緩壓力。

5.大量伸展同拉筋動作有助減走脂肪,塑造身體線條,達到減肥、瘦身效果。

瑜伽分類

瑜伽可分為好多唔同嘅派別,近年仲出現咗唔少新穎嘅另類瑜伽,如:大笑瑜伽(LaughterYoga)、香薰瑜伽(AromaticYoga)、孕婦瑜伽(PrenatalYoga)等。不過,作為瑜伽入門,可以了解咗最常見嘅集中瑜伽先!

1.哈達瑜伽(HathaYoga)—古典瑜伽

哈達瑜伽可以話係大部分瑜伽派別嘅統稱,較著重體位法練習,練習瑜伽動作時要配合呼吸調息,令身體放鬆,保持身心寧靜,所以有時課堂內容會包括呼吸練習同冥想。哈達瑜伽節奏較慢,適合瑜伽入門。

2.阿斯坦加瑜伽(AshtangaYoga)—高強度瑜伽

阿斯坦加瑜伽係一種古老嘅瑜伽系統,主要分為6級,毎級都有一連串嘅動作,毎次要按指定次序練習,成套瑜伽動作練晒要1-2小時。阿斯坦加瑜伽強調動作同呼吸嘅配合,主要鍛練身體嘅力量、柔韌性同耐力,對練習者嘅體能素質要求較高。

 3.Vinyasa瑜伽/流瑜伽(FlowYoga)—瑜伽動作流暢銜接

Vinyasa係梵語,意指呼吸同動作同步,即係練習者每次吸氣或呼氣時,由一個動作轉換到另一動作,所以又有人稱之為「流瑜伽」(FlowYoga)。由於對體位嘅序列冇阿斯坦加瑜伽咁嚴格,所以相對冇咁難。

4.空中瑜伽(AerialYoga)—釋放脊椎壓力

空中瑜伽運用懸吊嘅布帶或吊床,於半空中做瑜伽動作。由於有布帶作承托,所以就算係筋骨僵硬嘅初學者,都可輕易做出各種於平地做唔到嘅伸展動作,而大量倒吊動作亦有助促進血液循環,紓緩脊椎問題。

5.高溫瑜伽(HotYoga)—瑜伽減肥必學

高溫瑜伽又稱為「熱瑜伽」,係指喺約38℃–40℃嘅高溫環境中做瑜伽,利用熱能令你大量出汗,從而排走體內毒素。由於喺高溫環境下人嘅身體柔韌度會變好,所以更易伸展身體,冇咁易拉傷,好適合初學者,但如果患有高血壓、心臟病、糖尿病等疾病嘅人就唔太適合。

邊度學瑜伽好?

睇完上面對於瑜伽嘅介紹,心思思想學瑜伽?不過,究竟去邊度學瑜伽好呢?係跟私人瑜伽教練,還是向瑜伽中心、工聯會報名瑜伽班、瑜伽課程?

1.自學

依家想自學瑜伽其實好簡單,可以透過YouTube同手機App(譬如「每日瑜伽DailyYoga」)自學,完全免費,只要有時間就可以自己喺屋企練習。不過,瑜伽有唔少高難度動作,如果冇導師嘅指導,其實好難靠自己完成到動作。如果做錯咗仲好容易搞到肌腱受傷,或者拉傷韌帶添!長遠嚟講都係搵番嘅專業嘅瑜伽導師指導比較穩陣!

2.工聯會

工聯會勝在費用便宜,全期12堂,都只係$680,除番埋每堂平均$56.7,平價瑜伽之選!而且上課時間同地點都有好多選擇,相當方便。不過,工聯會通常係大班教學,瑜伽導師未必能照顧唔同學生嘅需要,而且瑜伽教練質素良莠不齊。如果你只係初學者想試玩瑜伽,咁工聯會課程就不失為便宜嘅選擇。但亦因為價錢平,報名人數多,未必咁易報到適合你的時間和地區。

3.瑜伽中心

香港有唔少大型瑜伽中心,設備完善(譬如有淋浴間,落堂後可以沖埋涼),又有多種瑜伽課,部分機構更會提供瑜伽試堂。由於呢類瑜伽大多提供月繳或預繳形式嘅課程,即係你可能要一次過分要交半年甚至全年嘅學費,報名前最好衡量風險。

4.私人瑜伽班

呢類小型瑜伽班、私人瑜伽班喺時間同地點上都較少選擇,場地設備亦較大型中心輸蝕。不過喺大型瑜伽中心上堂通常都係大班教學,有時你只能跟住瑜伽導師嘅動作做,但唔知自己做得啱唔啱。如果係私人、小型瑜伽班,瑜伽老師就會有更多時間作詳細指導,糾正同學嘅動作。

尋找最佳瑜伽課程

如果你都想搵瑜伽導師,就立即上我哋嘅免費平台啦!你只要回答幾個簡單問題(如瑜伽水平、上課日子同時間等)就可以取得瑜伽教練嘅報價喇!立即上Toby 了解更多啦!

只需3步,物色全港最佳瑜伽導師/瑜伽課程

服務評價

5.0
(2220)
+886 989***76
5.0
2021年10月22日

教練會先評估我的狀況幫我安排我需要的訓練,有被操到,運動完很舒爽!教練也很好溝通

Candy LEE
5.0
2021年10月21日

好滿意👍🏻 。對健身有熱誠,非常認真,細心,會耐心指導,並且細心觀察和改善顧客的姿勢。 安排合適的強度訓練,滿足顧客的需要。

匿名用戶
5.0
2021年10月21日

very gd n great working attitude~